У Мінску кватэра з такім высокім парадкавым нумарам усяго адна. І яна прадаецца
Вясной 2021 года ў Мінску быў зафіксаваны своеасаблівы рэкорд: у адным доме размясцілася адразу 1011 кватэр, піша Onliner.by.
Да гэтага часу «царыцай шматпавярховак» лічылася панэлька на вуліцы Ясеніна, у якой атрымалі квадратныя метры 889 уласнікаў.
Але вось — новая вышыня. Дакладней «Хваля». Бо менавіта ў гэтым доме ў «Мінск-Свет» аказаўся сканцэнтраваны кватэрны максімум.
З часу здачы дома, больш падобнага на круізны лайнер, прайшло нямала. Але цікавы факт: тая самая 1011-я кватэра ўсё яшчэ свабодная! І кожны, у каго ёсць 288 000 рублёў у запасе, можа стаць яе ўласнікам.
Калі верыць сайту забудоўшчыка, еўрадвушка мае агульную плошчу 51,9 квадратнага метра. Пры гэтым «унутраная частка» складае прыкладна 40,7 «квадрата».
Астатняе — тэраса (29,5 «чыстых» метра, або 8,83 — з каэфіцыентам) і балкон на 2,4 «квадрата» (1,69 з улікам каэфіцыента).
Як уладкавана кватэра-рэкардсменка?
Жылыя пакоі ў ёй крыху больш за 13 метраў. Да гасцінай таксама прымыкае ўмоўная кухня на чатыры «квадраты». Частка метраў у ёй жа «з’ядаецца» лесвіцай, якая вядзе на тую самую шыкоўную тэрасу. Уявіце, які від адкрываецца з 21 паверха!
Яшчэ чатыры з паловай квадратныя метры прыпадаюць на сумешчаны санвузел. Пяць з паловай — на пярэдні пакой. Вось і ўсё. Узвядзеш перагародкі паміж памяшканнямі — яшчэ недзе метр страціш. Але што ўжо зробіш: такі лёс усіх варыянтаў са свабоднай планіроўкай.
Адзін квадратны метр у кватэры забудоўшчык ацэньвае ў 1540 еўра па курсе. То-бок уся двушка абыдзецца ў 79 926 еўра ($82 390) у эквіваленце. І гэта ў ужо гатовым і заселеным доме (што, безумоўна, прыемна).
Расійскія прапагандысты выдумалі ўдар дрона па турыстычным аўтобусе. Але ў гісторыі ёсць загадкавыя фуры5
Каментары
А как великолепно у менеджеров-риэлторов: Северная Америка, Западная Европа, Тропические Острова...
А в Маяке Минска еще круче: Микеланджело, Гойя, Матисс...
Испоганили безобразным строительством не только этот уголок Минска, но и великие имена.