Генеральны сакратар НАТА Марк Рутэ, выступаючы на форуме ў Давосе, заявіў пра неабходнасць узмацніць падтрымку Украіны, дадаўшы, што вельмі важна, каб Расія не перамагла падчас свайго ўварвання, піша «Голас Амерыкі».
«Мы сапраўды павінны ўзмацніць, а не скарачаць нашу падтрымку Украіны», — заявіў Марк Рутэ на мерапрыемстве, прысвечаным тэме Украіны на Сусветным эканамічным форуме ў Давосе.
Ён дадаў, што «лінія фронту рухаецца ў няправільным кірунку».
Рутэ таксама заявіў, што членам НАТА давядзецца выдаткаваць на абарону больш за 2% ад сваіх ВУП, адзначыўшы, што неабходнасць павялічыць свае выдаткі на абарону паставіла абаронны альянс у «крызісны рэжым».
«Мы знаходзімся ў крызісным рэжыме, — сказаў Рутэ. — Што тычыцца прамысловай вытворчасці, то мы сапраўды ў кепскім становішчы».
Яшчэ ў сваёй праграмнай прамове ў снежні 2024 года Рутэ падкрэсліваў неабходнасць вялікіх вайсковых выдаткаў, калі краіны НАТА, асабліва дзяржавы Еўропы, хочуць прадухіліць вайну, а не плаціць за яе наступствы.
Яго цяпер падтрымаў прэм'ер-міністр Бельгіі Аляксандр дэ Кро.
«Наш аналіз паказвае, што расійская эканоміка можа вытрымаць вайну яшчэ год», — завіў дэ Кро на форуме ў Давосе. Ён дадаў, што вельмі важна, каб 16-ы пакет санкцый супраць Расіі ўключаў захады ў сферах паставак газу, энергіі і ўгнаенняў.
Саюзнікі па НАТА павінны плаціць сваю «справядлівую долю» на абарону, перш чым разглядаць пытанне аб пашырэнні альянсу, заявіў спецпрадстаўнік прэзідэнта ЗША Рычард Грэнел.
«Вы не можаце прасіць амерыканскі народ пашырыць «парасон» НАТА, калі цяперашнія члены не плацяць сваю справядлівую долю», — заявіў Грэнел праз відэасувязь у адказ на заклік генеральнага сакратара НАТА аб неабходнасці павелічэння абаронных выдаткаў.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары