Велікоднае перамір’е скончылася, Расія зноў запускае беспілотнікі і ракеты
Пасля заканчэння «велікоднага перамір’я» Расія, паводле звестак Паветраных сіл Узброеных сіл Украіны і ўкраінскіх маніторынгавых каналаў, запусціла па цэлях ва Украіне беспілотнікі-камікадзэ.
Паветраныя сілы паведамілі пра ўдарныя беспілотнікі над Чарнігаўскай, Сумскай, Харкаўскай, Запарожскай абласцямі.
Паветраная трывога абвешчаная ў гэтых абласцях, а таксама ў Днепрапятроўскай вобласці, куды накіроўваюцца шахеды», што ляцяць праз Запарожжа. Начны налёт расійскіх беспілотнікаў, першы пасля сканчэння «велікоднага перамір’я», працягваецца: паступаюць паведамленні пра рух «шахедаў» і стральбу СПА з некалькіх абласцей Украіны.
У Кіеўскай вобласці працуе супрацьпаветраная абарона.
Мэр Мікалаева паведаміў, што ў горадзе былі чутныя выбухі.
Паводле звестак маніторынгавых каналаў, у паветранай прасторы Украіны адначасова знаходзяцца некалькі дзясяткаў беспілотнікаў-камікадзэ.
Каментары