Кіраўнік Фонду салідарнасці «Байсол» Андрэй Стрыжак паведаміў, што з Беларусі эвакуяваны былы палітзняволены Андрэй Чапюк — валанцёр «Вясны», які правёў за кратамі 4 з паловай гады.
Анархіста Андрэя Чапюка, які калісьці быў валанцёрам «Вясны», у 2020-м затрымалі ў першай хвалі — яшчэ ў кастрычніку, разам з Марфай Рабковай.
Ён знаходзіўся за кратамі з кастрычніка 2020 года і адбыў там цалкам прызначаны тэрмін — 5 гадоў і 9 месяцаў, хоць непасрэдна за кратамі быў 4 з паловай гады.
Такі пералік адбыўся за кошт бясконца доўгага ўтрымання ў СІЗА — Чапюка асудзілі толькі праз два з паловай гады.
Пасля вызвалення 18 красавіка яго адразу затрымалі губазікаўцы і ў кайданках кудысьці павезлі. Думалася, што яму, як часта водзіцца, дададуць новы тэрмін, але, як пасля высветлілася, увечары яго ўсё ж адпусцілі.
Цяпер для першапачатковых патрэб Андрэя Чапюка за мяжой Фондам салідарнасці «Байсол» аб'яўлены збор.
Цяпер чытаюць
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца6
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1212
Каментары