Прадстаўнік Расіі ў ААН: Расія не спыніць агонь, пакуль Захад падтрымлівае Кіеў
Масква патрабуе ад Кіева спыніць атрыманне ваеннай дапамогі з Захаду і спыніць мабілізацыю на час перамір’я.
Расія ў прынцыповым плане гатова разгледзець магчымасць усталявання рэжыму спынення агню, але для гэтага патрабуе ад Украіны на час перамір’я адмовіцца ад ваеннай дапамогі краін Захаду і спыніць мабілізацыю ў краіне. Такія тэзісы выказаў пастаянны прадстаўнік РФ пры ААН Васіль Нябензя, выступаючы на пасяджэнні Рады бяспекі арганізацыі ў пятніцу, піша Deutsche Welle.
Паводле слоў прадстаўніка РФ у ААН, расійская дэлегацыя гатова перадаць украінскаму боку свой мемарандум аб магчымым спыненні агню 2 чэрвеня ў Стамбуле. Падрабязнасцяў аб дакуменце Нябензя не прывёў, але заявіў, што РФ «не задавальняе сітуацыя», якая дазволіла б Кіеву перагрупавацца падчас кароткатэрміновага перамір’я і «спыніць абвал усходняга фронту».
Пры гэтым прадстаўнік Масквы заявіў, што РФ хоча спачатку абмеркаваць з Украінай «параметры і ўмовы» магчымай доўгатэрміновай мірнай дамовы, а ўжо потым дамаўляцца аб рэжыме спынення агню.
Нябензя таксама заявіў, што стамбульскія перамовы РФ і Украіны павінны разглядацца як працяг сустрэч дэлегацый краін у 2022 годзе. Падчас іх РФ вылучала Кіеву, сярод іншага, патрабаванні аб без’ядзерным і пазаблокавым статусе Украіны, скарачэнні колькасці вайскоўцаў у краіне, а таксама прызнанні акупаваных і анексаваных РФ на той момант тэрыторый. Украіна адразу ж адмовілася ад такой трактоўкі новага перамоўнага працэсу.
У гэтай жа прамове Радзе бяспекі ААН Нябензя абразіў украінскага лідара Уладзіміра Зяленскага, назваўшы яго «пратэрмінаваным прэзідэнтам», і выступіў з пагрозамі Германіі з улікам заяў канцлера ФРГ Фрыдрыха Мерца аб вытворчасці далёкабойнай зброі сумесна з Украінай.
Афіцыйны прадстаўнік РФ таксама заявіў, што расійскія сілы ва Украіне «здольныя працягваць і нарошчваць баявыя дзеянні столькі, колькі спатрэбіцца».
-
Зяленскі правёў кансультацыі з камандзірамі карпусоў і доўга размаўляў з Фёдаравым. Фёдараў: Дыялог ёсць, веру, што ўсё ўдасца
-
Жонка закаціла скандал, а ён усё адно паехаў у акопы. Гісторыя беларуса, які апынуўся на вайне праз даўгі і страх страціць жыллё
-
Пасля атакі па двух складах Wildberries маглі пацярпець да 15% складскіх плошчаў кампаніі
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары