У жылым раёне гэтага мінскага мікрараёна пачалася вялікая будоўля.
Кватэры ў першых сямі дамах на Планернай гары ў Сухараве прапануюць усім ахвотным, пішуць Мінск-навіны.
Пра тое, што ў самым сэрцы Сухарава замест вялізнага пустыра з'явіцца буйны квартал, пачалі гаварыць яшчэ ў 2019 годзе. Але актыўнага будаўнічага працэсу на так званай Планернай гары да нядаўняга часу не назіралася. І вось пляцоўка ажыла.
Узвядзенне комплексу ў межах вуліц Максіма Гарэцкага і Янкоўскага пачалося не з жылых вышынных дамоў, а з шматпавярховага паркінгу складанай формы, фасады якога дэкаруюць металічнымі нахіленымі ламелямі. У шматгранным стылабаце знойдзецца месца не толькі для аўтамабіляў, але і для крамы, разлікова-касавага цэнтра і кавярні на 60 месцаў.
Таму ў першай праектнай дэкларацыі, размешчанай у газеце «Звязда», значацца не кватэры, а камерцыйныя памяшканні. Таксама будзе ўзведзены паркінг
— Нарматыўны тэрмін яго ўзвядзення складае 24 месяцы. То-бок паркінг будзе гатовы арыенціровачна да канца 2028 года — якраз да таго часу, калі плануецца завяршыць чатыры дамы першай чаргі, — удакладніў начальнік УКБ «МАПІДа» Фёдар Шаўлюк.
Сёння існуе больш за 30 яе варыянтаў з рознымі планіроўкамі кватэр. У сучасных версіях такіх дамоў уваход у пад'езд абсталяваны на ўзроўні зямлі, без высокіх прыступак, унутры прадугледжаны прасторныя тамбуры, прахадныя ліфты, французскія балконы і панарамнае шкленне ў падлогу.
Па аналагічным сцэнары разгортваецца ўзвядзенне аб'ектаў другой чаргі жылога квартала. Работы на пляцоўцы зноў пачнуцца з будаўніцтва паркінга, затым пяройдуць да трох дзесяціпавярховікаў. Хутчэй за ўсё, да іх стварэння прыступяць толькі ў 2028 годзе, паколькі праектныя работы запланаваныя на наступны год.
Жыллё тут таксама прапануюць усім ахвотным і на тых жа ўмовах, што і ў першых чатырох дамах. А вось восем наступных вышынных дамоў пакуль значацца ў дазвольнай дакументацыі як жыллё для грамадзян, якія стаяць на ўліку тых, хто мае патрэбу ў паляпшэнні жыллёвых умоў.
— Усяго на Планернай гары плануецца ўзвесці 15 жылых дамоў, разлічаных арыенціровачна на 1 624 кватэры. Іх сумарная плошча складзе прыкладна 112 тысяч кв. м. Пры гэтым агульная плошча забудовы перавысіць 16 га, — адзначае Фёдар Шаўлюк.
Ён таксама патлумачыў, чаму «МАПІД» не спяшаўся з маштабным асваеннем гэтай тэрыторыі ў Сухараве. Галоўнай прычынай стаў спецыфічны і складаны грунт. Праектам першапачаткова прадугледжаны больш працяглы і працаёмкі этап правядзення нулявога цыклу, чым на стандартных гарадскіх пляцоўках.
— Адпаведна, і самі земляныя работы з улікам спецыфікі пляцоўкі прадугледжваюць пэўныя цяжкасці. Мы былі да гэтага гатовыя, — запэўніў начальнік Фёдар Шаўлюк. — Акрамя паркінгаў і жылых вышынных дамоў, у новым квартале запраектаваныя сучасная школа на 780 вучняў, дзіцячы сад на 230 дзяцей і медыцынская амбулаторыя. Заказчык па гэтых аб'ектах яшчэ не вызначаны.
Пустая тэрыторыя, якую доўгія гады выкарыстоўвалі выключна ў тэхнічных мэтах — для складзіравання грунту, вывезенага падчас пракладкі падземных тунэляў метро, — атрымае развіццё і да непазнавальнасці зменіць архітэктурны выгляд заходняй часткі Мінска.
Каментары
Нарэшце і дзяржава прызнала пра складаныя ўмовы будаўніцтва на такім грунце. Пра што было вядома з самага пачатку ўзнікнення ідэі, з чым спрачаліся і адказныя чыноўнікі, і нават каментатары.
У наступнай фразе пра нулявы цыкл зашыфраваны дадатковыя працы па ўзмацненні грунту. Мабыць, будуць выкарыстоўваць дадатковыя палі.
Наколькі дапаможа, даведаюцца жыхары першых дамоў. Рызыкі ў першую чаргу іх.
"Пустая тэрыторыя ... атрымае развіццё і да непазнавальнасці зменіць архітэктурны выгляд заходняй часткі Мінска"
Ага, горад-сад расквітнее. Найбольшы абсурд, калі незалежныя выданні даслоўна і сістэматычна паўтараюць елей прапагандыстаў.
І не думайце, што пытанні забудовы, выкарыстання зямлі, ўрбанізму "проста тэхнічныя" і далёкія ад палітыкі, ад сутыкнення грамадскіх інтарэсаў з карумпаванымі дзяржаўнымі - напрыклад, нездарма пра іх рэгулярна выказваецца Лукашэнка.