Прэм'ер Педра Санчэс прызнаў, што ўрад «дапускаў памылкі», і патлумачыў, што для таго, каб «зрабіць больш», яму неабходна «абнавіць і пашырыць падтрымку людзей».
Старшыня левага ўрада Педра Санчэс выступіў сёння з афіцыйнай заявай, каб абвясціць аб правядзенні датэрміновых выбараў 29 лістапада, піша El Pais.
Санчэс прызнаў, што ўрад «дапускаў памылкі», і патлумачыў, што для таго, каб «зрабіць больш», яму неабходна «абнавіць і пашырыць падтрымку людзей».
Пасля насычаных выходных, падчас якіх ён правёў шматлікія кансультацыі з членамі свайго ўрада, кіраўнікамі сваёй партыі і партнёрамі з іншых палітычных сіл, Санчэс вырашыў зрабіць гэты крок і распусціць парламент за дзевяць месяцаў да заканчэння тэрміну яго паўнамоцтваў, які да гэтага часу ён заўсёды меў намер давесці да канца.
Прычынай стаў правал у парламенце ў мінулую пятніцу двух жыллёвых дэкрэтаў, падрыхтаваных урадам у адказ на грамадскую мабілізацыю пасля высялення ў Мадрыдзе 87‑гадовай жанчыны, Марыкармен Абаскаль.
Гэта выклікала маніфестацыі па ўсёй краіне, якія на працягу выходных сабралі тысячы грамадзян, каб запатрабаваць вырашэння жыллёвага крызісу.
Цяпер чытаюць
Таксістка з Таджыкістана насмерць збіла беларуску ў Польшчы — і спакойна пакінула краіну3
Каментары
[Зрэдагавана]