Папа Леў XIV выступіў за святкаванне ўсімі хрысціянамі Вялікадня ў адзін дзень
Папа Леў XIV выказаўся за тое, каб усе хрысціяне святкавалі Вялікдзень у адзін дзень. Ён падкрэсліў, што Каталіцкая царква адкрытая да пошуку супольнай даты святкавання гэтага галоўнага хрысціянскага свята. Пра гэта паведамляе Vatican News.
Пантыфік выступіў са сваёй прапановай падчас сустрэчы, прысвечанай 1700-годдзю Нікейскага сабору — першага агульнахрысціянскага сабору, адной з мэт якога было якраз вызначэнне агульнай даты Вялікадня.
Папа адзначыў, што цяпер розныя каляндары перашкаджаюць хрысціянам разам святкаваць Уваскрасенне Хрыстова, што выклікае цяжкасці ў супольнасцях, раздзяляе сем’і і аслабляе хрысціянскае сведчанне ў свеце.
Ён нагадаў, што існуюць магчымасці знайсці супольнае рашэнне і не парушыць пры гэтым прынцыпаў, закладзеных яшчэ на Нікейскім саборы. Леў XIV падкрэсліў, што Каталіцкая царква гатовая да экуменічнага дыялогу дзеля сумеснага святкавання Вялікадня.
Леў XIV — новы Папа, якім стаў амерыканскі кардынал Роберт Фрэнсіс Прэво. Ён быў абраны ў маі 2025 года. Ягоны папярэднік, Папа Францішак, таксама выступаў за ўстанаўленне агульнай даты святкавання Вялікадня.
Розніца ў датах святкавання звязаная не з рознымі веравызнаннямі, а з рознымі каляндарамі. Гэта і прыводзіць да рознага разліку даты.
Каментары
Они же - самые христианистые, самые славянистые, самые лгущие, врущие и самые не кающиеся.
Папа Григорий в 16 веке мог измерить скорость вращения планеты Земля, собрать статистические данные измерений с нескольких точек на планете и прнять решение, что не крутится? Клоуны, и сейчас предлагают быть клоунами остальным людям.