Papa Leŭ XIV vystupiŭ za śviatkavańnie ŭsimi chryścijanami Vialikadnia ŭ adzin dzień
Papa Leŭ XIV vykazaŭsia za toje, kab usie chryścijanie śviatkavali Vialikdzień u adzin dzień. Jon padkreśliŭ, što Katalickaja carkva adkrytaja da pošuku supolnaj daty śviatkavańnia hetaha hałoŭnaha chryścijanskaha śviata. Pra heta paviedamlaje Vatican News.
Pantyfik vystupiŭ sa svajoj prapanovaj padčas sustrečy, pryśviečanaj 1700-hodździu Nikiejskaha saboru — pieršaha ahulnachryścijanskaha saboru, adnoj z met jakoha było jakraz vyznačeńnie ahulnaj daty Vialikadnia.
Papa adznačyŭ, što ciapier roznyja kalandary pieraškadžajuć chryścijanam razam śviatkavać Uvaskrasieńnie Chrystova, što vyklikaje ciažkaści ŭ supolnaściach, raździalaje siemji i asłablaje chryścijanskaje śviedčańnie ŭ śviecie.
Jon nahadaŭ, što isnujuć mahčymaści znajści supolnaje rašeńnie i nie parušyć pry hetym pryncypaŭ, zakładzienych jašče na Nikiejskim sabory. Leŭ XIV padkreśliŭ, što Katalickaja carkva hatovaja da ekumieničnaha dyjałohu dziela sumiesnaha śviatkavańnia Vialikadnia.
Leŭ XIV — novy Papa, jakim staŭ amierykanski kardynał Robiert Frensis Prevo. Jon byŭ abrany ŭ mai 2025 hoda. Jahony papiarednik, Papa Francišak, taksama vystupaŭ za ŭstanaŭleńnie ahulnaj daty śviatkavańnia Vialikadnia.
Roźnica ŭ datach śviatkavańnia źviazanaja nie z roznymi vieravyznańniami, a z roznymi kalandarami. Heta i pryvodzić da roznaha raźliku daty.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Oni žie - samyje christianistyje, samyje słavianistyje, samyje łhuŝije, vruŝije i samyje nie kajuŝijesia.
Papa Hrihorij v 16 viekie moh iźmieriť skorosť vraŝienija płaniety Ziemla, sobrať statističieskije dannyje iźmierienij s nieskolkich točiek na płanietie i prniať riešienije, čto nie krutitsia? Kłouny, i siejčas priedłahajut byť kłounami ostalnym ludiam.