11-гадовы школьнік гуляўся з порахам у бабулі і атрымаў моцныя апёкі галавы
Здарэнне адбылося ўчора ў Радашковічах Маладзечанскага раёна.
Мінскі школьнік адпачываў у Радашковічах у бабулі на лецішчы.
Недалёка ад лецішча хлопчык знайшоў бутэльку з надпісам «Порох». Дзіця высыпаў змесціва бутэлькі на зямлю і падпаліў. Адбылася ўспышка. Хлопчык атрымаў апёкі, піша kraj.by.
Хлопчыка шпіталізавалі ў сталічную бальніцу хуткай медыцынскай дапамогі. У пацярпелага тэрмічныя апёкі полымем I—III ступені галавы, шыі, левай рукі і левай нагі.
Прычына здарэння ўсталёўваецца. Асноўная версія — дзіцячае свавольства з агнём.
«Засяроджуся на працы з ЗША». Ціханоўскі расказаў пра свае палітычныя планы на 2026 год32
Каментары