«Байсол» адкрыў тэрміновы збор на дапамогу ўкраінцам, вызваленым з беларускіх турмаў у лістападзе
У лістападзе вызвалілі групу грамадзян Украіны, якія знаходзіліся ў зняволенні ў Беларусі па палітычных артыкулах. Іх вывезлі з краіны і перадалі ўкраінскаму боку.
Самаму малодшаму з вызваленых усяго 18 гадоў. Самаму старэйшаму — за 50. Многія выйшлі з падарваным здароўем і без разумення, як пачынаць жыццё нанова, нагадвае «Байсол»
Марыю Місюк абвінавацілі паводле артыкула аб «тэрарызме». Ёй было ўсяго 16 гадоў, калі яе судзілі. Па тэлебачанні расказвалі, што дзяўчыну «завербавалі ўкраінскія спецслужбы», і быццам пад іх уплывам Марыя стварыла падлеткавую банду — «анархічную ячэйку». Аднак праваабаронцам не былі вядомыя ні яе прысуд, ні месца ўтрымання.
А пасля вызвалення відэа з Марыяй апублікаваў тагачасны кіраўнік ГУР Мінабароны Украіны Кірыл Буданаў. Дзяўчына расказала, што не ведала, куды яе вязуць. Думала, што на расстрэл: «Думала, мяне расстрэльваць вязуць».
Таксама сярод вызваленых быў Аляксандр Катовіч. Рэжым абвінаваціў яго ў нібыта датычнасці да «экстрэмісцкага фармавання» «Беларусь за МКАДам». Аднак, паводле праваабаронцаў, Аляксандр не ўдзельнічаў у гэтым праекце. Ён толькі пакідаў там каментары.
Сёння гэтыя людзі на волі. Але гэта не значыць, што ў іх усё ў мінулым.
Хтосьці мае патрэбу ў тэрміновым лячэнні — сярод вызваленых ёсць людзі з анкалагічнымі захворваннямі. Камусьці неабходная рэабілітацыя. Камусьці — падтрымка, каб прайсці этап адаптацыі: жыллё, лекі, дапамога псіхолага.
Абвяшчаецца збор на €12.000, каб падтрымаць тых вызваленых, каму цяпер асабліва цяжка.
Збор на тэрміновую дапамогу ўкраінцам, вызваленым у лістападзе 2025 года з беларускіх турмаў: лячэнне, аднаўленне і падтрымка.
-
Расіяніну, які п'яным пабіўся з ахоўнікамі мінскага метро, вынеслі лагодны прысуд
-
Латушка пра магчымасць вайны ў Беларусі: Гэта ж вар'яцтва, не ўяўляю, як крамлёўская прапаганда будзе тлумачыць гэта
-
«Да канца года, спадзяюся, зможам рэалізаваць адну-дзве рэчы». Бабарыка — пра свой новы праект і беларускую мову
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары