Трамп пацвердзіў, што разглядае магчымасць перадаць Украіне сістэму Patriot
Прэзідэнт ЗША Дональд Трамп пацвердзіў, што разам са сваёй камандай разглядае магчымасць перадачы Украіне дадатковай сістэмы супрацьракетнай абароны Patriot. Пра гэта ён сказаў журналістам падчас сустрэчы ў Белым доме з афрыканскімі лідарамі, паведамляе агенцтва «Укрінфарм».
«Яны (украінцы. — Заўв. рэд.) хацелі б гэтага, я ведаю, што яны зрабілі запыт. Таму мы павінны разгледзець гэта», — адзначыў прэзідэнт ЗША.
Паводле яго слоў, гэтыя сістэмы СПА на самай справе з'яўляюцца «вельмі рэдкімі» і «вельмі дарагімі».
«Шкада, што мы павінны траціць столькі грошай на вайну, якой ніколі б не было, калі б я быў прэзідэнтам», — дадаў Трамп.
Амерыканскі лідар яшчэ раз падкрэсліў, што ўкраінцы падвяргаюцца магутным ракетным і паветраным ударам.
«Таму мы і разглядаем гэта», — сказаў прэзідэнт ЗША.
Трамп абяцаў Пуціну разбамбіць Маскву к чортавай мацеры, калі Расія нападзе на Украіну
Як Трамп выкарыстоўвае «тэорыю вар'ята», каб мяняць свет пад сябе. І ў яго атрымліваецца
«Кідае ў нас кучы гаўна». Трамп заявіў пра сваю незадаволенасць Пуціным
Трамп паабяцаў Зяленскаму неадкладна адправіць Украіне ракеты-перахопнікі для Patriot
Каментары