Украінская праваслаўная царква Маскоўскага патрыярхату (УПЦ МП) атрымала ад Дзяржаўнай службы Украіны па этнапалітыцы і свабодзе сумлення загад — да 18 жніўня разарваць сувязі з Рускай праваслаўнай царквой (РПЦ). Прычына — выяўленыя факты сувязі УПЦ з арганізацыяй, дзейнасць якой забароненая ва Украіне, піша «Украінская праўда».
Украінскія ўлады патрабуюць, каб кіраўніцтва УПЦ афіцыйна выйшла з-пад падначалення Рускай праваслаўнай царкве, адмовілася ад усіх палажэнняў яе статута і адклікала сваіх святароў і манахаў з усіх кіраўнічых структур Маскоўскага патрыярхату (у тым ліку Сінода, Сабораў і іншых царкоўных органаў).
Акрамя таго, УПЦ павінна публічна заявіць, што не згаджаецца з дзеяннямі РПЦ, у тым ліку з прызначэннем кіраўнікоў епархій ва Украіне і спробамі анексіі гэтых епархій.
Кіраўнік УПЦ РП мітрапаліт Ануфрый павінен публічна выказаць сваю нязгоду і афіцыйна ініцыяваць разрыў усіх адносін з РПЦ.
Амаль год таму, 20 жніўня 2024 года, Вярхоўная Рада Украіны прыняла закон, які забараняе дзейнасць у краіне рэлігійных арганізацый, звязаных з Расіяй.
9 мая 2025 года Кабінет Міністраў ухваліў дакладны парадак правядзення расследавання адносна магчымай сувязі рэлігійных арганізацый з Расіяй, а таксама правілы разгляду фактаў распаўсюджвання імі ідэалогіі «рускага свету». УПЦ МП спрабавала аспрэчыць гэтую пастанову ў судзе, аднак ужо 20 мая Дзяржслужба па этнапалітыцы пачала расследаванне, каб вызначыць, ці мае УПЦ МП сувязі з забароненай у краіне расійскай рэлігійнай арганізацыяй.
2 ліпеня прэзідэнт Украіны Уладзімір Зяленскі пазбавіў мітрапаліта Ануфрыя ўкраінскага грамадзянства. Паводле дадзеных Службы бяспекі Украіны, ён мае расійскі пашпарт.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?2
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
З сеннішняга дня я пцУкраіна
Так Назаріцянін як майсы кажут і блудніцу і мытнка іньшых прынял але як бабруйчанін...сумніваюсь
.