У Бранскай вобласці УСУ падарвалі мост каля сутыку межаў Беларусі, Расіі і Украіны
Губернатар Бранскай вобласці Аляксандр Багамаз днём 2 жніўня паведаміў, што «ў выніку скіду выбуховых прылад паблізу населенага пункта Рудня-Цата пашкоджаны мост».
Пра падрыў моста цераз раку Цата таксама паведамілі і з украінскага боку.
«На Браншчыне ўзляцеў у паветра мост у Старых Юркавічах, праз які ішла прамая дарога [да мяжы з Украінай]; ювелірная праца маіх таварышаў)», — напісаў старшы лейтэнант УСУ з пазыўным «Алекс».
Аднак украінскі афіцэр сцвярджае, што гэта быў не скід выбуховага прыстасавання. Як канкрэтна была падарваная пераправа, ён не ўдакладняе.
Ёсць версія, што ўкраінскі дрон змог заляцець пад мост і ўдарыць па зарадзе з мін, закладзеных самімі расіянамі для падрыву на выпадак украінскага наступлення.
Як адзначае рэсурс OSINTtechnical, гэтай аперацыяй украінцы фактычна заблакавалі забеспячэнне расійскай арміі на шаснаццацікіламетровым участку расійска-ўкраінскай мяжы.
Раней менавіта цераз гэты мост ехалі машыны да памежнага пераходу «Тры сястры», праз які можна было пераходзіць адразу ў тры краіны.
Украінскі салдат уратаваўся з акружэння на электраровары, які яму скінулі з дрона
Зафіксаваная рэкордная за апошні час колькасць расійскіх дронаў, якія за ноч заляцелі ў Беларусь
Украінскія беспілотнікі ўдарылі па вайсковым заводзе ў Пензе
Беспілотнік, які ўпаў у Мінску, прыляцеў з боку Барысава — шматлікія сведчанні
Каментары