Кіроўцаў будуць караць за язду без уключаных фар удзень. Колькі штраф?
У ДАІ нагадалі пра традыцыйную акцыю перад пачаткам навучальнага года: з 25 жніўня па 5 верасня ўсе транспартныя сродкі павінны рухацца з уключаным блізкім святлом фар або дзённымі хадавымі агнямі.
Акцыя праводзіцца ў межах кампаніі «Увага — дзеці!», мэта якой — прыцягнуць увагу да бяспекі дзяцей на дарогах і папярэдзіць ДТЗ з іх удзелам.
Паводле звестак ДАІ, за сем месяцаў гэтага года на дарогах краіны загінулі 17 непаўналетніх (11 з іх былі пасажырамі, чацвёра — пешаходамі, двое — кіроўцамі), яшчэ 253 дзіцяці атрымалі траўмы.
Правілы дарожнага руху прадугледжваюць два абавязковыя перыяды ўключэння фар удзень: з 25 мая па 5 чэрвеня і з 25 жніўня па 5 верасня.
За парушэнне патрабавання — штраф да трох базавых велічынь (цяпер гэта 126 рублёў). Пры першым выпадку магчымае папярэджанне.
Цяпер чытаюць
«Кайлас, я іду». Што за беларуска знікла ў жудасным селі ў Непале9
Каментары
Ведь даже тупому понятно, что это простой и довольно эффективный способ повышения безопасности. даже краем глаза, даже в солнечную погоду шансы увидеть ТС со светом фар в несколько раз выше, чем без них.
это неоспоримая аксиома, которую отлично знают те, кто это 2 раза в год вводит.
ТАК ПОЧЕМУ НЕ ВСЕГДА?
аргумент про "экономию", которой вообще-то нет, озвучивают только имбецилы.