У Аўстраліі дзед пайшоў у садок па ўнука, а прыйшоў дахаты з іншым дзіцём
У аўстралійскім Сіднэі здарыўся незвычайны выпадак: пажылы мужчына выпадкова забраў з дзіцячага садка чужое дзіця замест свайго ўнука. Інцыдэнт адбыўся ў садку First Steps Learning Academy ў Бангоры, паўднёвым прыгарадзе Сіднэя, паведамляе Бі-бі-сі.
Дзед прыйшоў забраць свайго ўнука, але ў памяшканні, дзе дзіця спала, ён памылкова ўзяў іншага хлопчыка. Памылку заўважылі толькі тады, калі маці дзіцяці прыйшла ў садок і высветліла, што яе аднагадовы сын адсутнічае.
Маці пасля расказала, што супрацоўнікі садка не маглі дакладна назваць імя чалавека, які прыйшоў, і не змоглі апісаць яго знешні выгляд, акрамя таго, што ён быў стары і ў шортах. Яна таксама падкрэсліла, што не вінаваціць дзеда ў здарэнні, бо ён сам быў прыгаломшаны тым, што здарылася, і адразу прызнаў памылку. Як толькі ён зразумеў, што ўзяў чужое дзіця, то неадкладна вярнуў яго ў садок.
Жонка дзеда дадала, што яе муж быў сапраўды шакаваны і вельмі шкадаваў пра здарэнне. А ў садку паведамілі, што супрацоўнік, які дапусціў памылку, быў адхілены ад працы. Дырэктарка садка заявіла, што гэта надзвычай рэдкі і сумны выпадак, якога раней у іх установе не было. Пасля інцыдэнту ў садку ўзмацнілі працэдуры бяспекі, каб падобнае не паўтарылася.
Інцыдэнт адбыўся на фоне ўзмацнення ўвагі да бяспекі ў аўстралійскіх дзіцячых садках, дзе нядаўна ўведзеныя новыя заканадаўчыя меры для абароны дзяцей.
«Яны мяне саромеюцца». Як праз 12 гадоў жыве беларуска, што нарадзіла двайнят у 54 гады
Дзіцячы садок у Талачынскім раёне закрываць не будуць. Бацькі звярталіся да Лукашэнкі, і ён іх вырашыў пачуць
«Пакуль пашпарт дзейнічае». Эмігранты пра тое, ці не страшна ім адпраўляць у Беларусь дзяцей на летнія канікулы
«Міс Беларусь» усё больш нагадвае конкурс прыгажосці ў гарэме23
Каментары