15 верасня дэмакратычная лідарка Святлана Ціханоўская сустрэлася з Юозасам Олекасам, які тры тыдні таму быў абраны на пасаду старшыні Сейма Літоўскай Рэспублікі. Падчас сустрэчы размова вялася пра бягучыя пытанні літоўска-беларускіх адносін.
Сярод іншага Ціханоўская абмеркавала з прадстаўніком Сацыял-дэмакратычнай партыі Юозасам Олекасам лёс беларускага палітвязня Міколы Статкевіча. Яна таксама падзякавала за падтрымку палітвязняў і тую дапамогу, якую хутка арганізавалі і зрабілі пры іх апошнім вызваленні літоўскія ўлады, у тым ліку з афармленнем дакументаў.
На выступленні перад прадстаўнікамі медыяў па выніках сустрэчы Святлана Ціханоўская трымала ў руках папку з фатаграціяй Міколы Статкевіча.
Юозас Олекас запэўніў Святлану Ціханоўскую, што становішча беларусаў у Літве не будзе пагаршацца ў сферы магчымасці легалізацыі, працы беларускага бізнэсу і іншых пытанняў;
Ціханоўская папрасіла літоўскія ўлады захоўваць пасажырскае злучэнне і гуманітарныя калідоры з Беларуссю і падзякавала за тое, што аўтамабілі на беларускіх намерах змогуць праязжаць Літву, калі ідуць транзітам.
Яна яшчэ раз нагадала, што трэба працягваць ціснуць на рэжым, пакуль усе не будуць вызваленыя, а рэжым не спыніць рэпрэсіі і не зменіць сваёй агрэсіўнай палітыкі.
Цяпер чытаюць
Да «Дня народнага адзінства» памілавалі 25 чалавек4
Каментары