Гродзенскі панк-музыка Дзмітрый Карповіч памёр 17 верасня 2025 года. Ён быў прадстаўніком панк-сцэны Гродна, граў у гурце «Твой горад», а ў 2008 годзе стаяў ля вытокаў стварэння «ДК імя Грэка» — месца, дзе праводзіліся андэграўндныя канцэрты, піша Hrodna.life.
Першапачаткова заснаваны Дзмітрыем Карповічам «ДК імя Грэка» быў рэпетыцыйным пунктам, які з цягам часу ператварызся ў пляцоўку для канцэртаў. У «ДК» прыязджаў мінскі панк-гурт «Бостонское чаепитие», выступалі гродзенскія гурты «В.К.Л.» і «Кальян».
Аналізуючы ўклад «ДК» у развіццё гродзенскай незалежнай сцэны, лідар гурта «Прощай Привычка» Яўген Нікіцін адзначаў, што пляцоўка стала для яго адпраўным пунктам. «Энергетычна гэта месца мела магніт і гэта выяўлялася ў тым, што ты туды мог прыйсці не па нейкай прычыне, а проста так».
Стылістычных рамак, якія б стрымлівалі музыкаў, не было. «Адзінай умовай для правядзення канцэрта была наяўнасць электрычнасці ў разетках, добры настрой у выступоўцаў і такі ж настрой у слухачоў», — кажа Нікіцін.
У «ДК імя Грэка». Фота: Яўген Кандратовіч
Пляцоўка праіснавала да 2012. Пасля будынак, дзе яна знаходзілася, знеслі для будаўніцтва дарожнай развязкі. Па словах Нікіціна, працэс закрыцця быў «вялацякучым». Канчатковыя даты ліквідацыі некалькі разоў пераносілі. «Сказаць, што было балюча — гэта значыць нічога не сказаць, нам больш не было дзе спяваць».
У 2017 фатограф Яўген Кандратовіч арганізаваў выставу, прысвечаную гісторыі пляцоўкі «ДК». Таксама ў адзіным экзэмпляры была выдадзена кніга, у якую ўвайшло 70 фота.
Развітанне з Дзмітрыем Карповічам адбудзецца 19 верасня ў гродзенскім храме Мікалая Цудатворца на вуліцы Філарэта, 1/1, паведамілі ў сацсетках ягоныя знаёмыя.
Цяпер чытаюць
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах10
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1818
Каментары