З 1 па 17 верасня ў Беларусь з Расіі была дастаўленая буйная партыя боепрыпасаў з арсеналаў Галоўнага ракетна-артылерыйскага ўпраўлення Міністэрства абароны РФ на артылерыйскія базы Міністэрства абароны Беларусі, даведалася Супольнасць чыгуначнікаў Беларусі. Паводле наяўнай інфармацыі, пастаўкі не былі звязаны з сумеснымі стратэгічнымі вучэннямі «Захад-2025».
Па стане на 17 верасня ў Беларусь прыбылі як мінімум два вайсковыя эшалоны, якія перавозілі выключна выбуховыя матэрыялы.
Першы эшалон адправіўся са станцыі Бутыліцы ва Уладзімірскай вобласці на станцыю Асіповічы-I і складаўся з 11 вагонаў:
- 1 крыты вагон для праваднікоў;
- 5 паўвагонаў-прыкрыццяў (пустыя вагоны, што выкарыстоўваюцца для аховы грузу);
- 5 крытых вагонаў з выбуховымі матэрыяламі.
Агульная маса выбуховых матэрыялаў ацэньваецца прыкладна ў 275—300 тон. Перасячэнне дзяржаўнай мяжы Расіі і Беларусі адбылося праз міждзяржаўны стыкавы пункт Красное (Расія) — Асінаўка (Беларусь). Адпраўнікам быў 2161‑ы цэнтральны арсенал (вайсковая часць 96570), а атрымальнікам у Асіповічах — 1405‑я артылерыйская база боепрыпасаў (вайсковая часць 42707).
Другі эшалон адправіўся са станцыі Кужэнкіна ў Цвярской вобласці на станцыю Цэнтралiт, што на заходняй ускраіне Гомеля, і складаўся з 20 вагонаў:
- 1 крыты вагон для праваднікоў;
- 14 крытых вагонаў з выбуховымі матэрыяламі;
- 5 паўвагонаў з выбуховымі матэрыяламі (звычайна там перавозяцца кантэйнеры з ракетным узбраеннем).
Агульная маса груза ацэньваецца прыкладна ў 1 000—1 070 тон. Перасячэнне дзяржаўнай мяжы Расіі і Беларусі рабілася праз міждзяржаўны стыкавы пункт Завярэжжа — Езярышча. Адпраўнікам быў 93‑ці арсенал Галоўнага ракетна-артылерыйскага ўпраўлення Міністэрства абароны РФ (вайсковая часць 55443-ТД), атрымальнікам на станцыі Цэнтралiт — 1393‑ці артылерыйскі склад боепрыпасаў (вайсковая часць 52208).
Паводле папярэдняй інфармацыі, у найбліжэйшы час могуць адбыцца новыя адпраўкі на гэтыя артылерыйскія базы Міністэрства абароны Беларусі.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца4
А што будзе, калі вярнуцца ў Беларусь? Кажуць жа, што рэпрэсіі заканчваюцца
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра1616
Каментары
ў іх там часта гараць арсеналы
а ў Беларусі пакуль ціха.
Са сваіх спецсховаў іх вязуць толькі
а) на ўтылізацыю
б) бліжэй да месца выкарыстання, да месца планаваных баявых дзеянняў.
Утылізоўваць расійскія снарады і ракеты тысячамі тон ў Беларусі няма магчымасці і няма сэнсу.
Перамяшчэнне канкрэтных снарадаў і ракет паказвае дзе і якія запланаваныя баявыя дзеі.
Супрацьпаветраную абарону NATO ў Польшчы, Германіі, Эстоніі ўжо пратэставалі.