Падчас пошукаў хлопчыка ў Мінскай вобласці знік сабака-выратавальнік
Трэці дзень запар у Мінскай вобласці шукаюць 14‑гадовага падлетка Максіма Зяньковіча з Мінска. У суботу ён знаходзіўся ў вёсцы Карбоўскае (Бярэзінскі раён, Мінская вобласць), каля 10:00 з'ехаў на веласіпедзе ў невядомым напрамку і не вярнуўся. У пошуках прымаюць удзел экстранныя службы і валанцёры — усяго больш за 550 чалавек, сярод іх кінолагі са сваімі сабакамі-выратавальнікамі. Але адзін — па мянушцы Берта — знік падчас пошукаў, піша Onliner.
Вядома, што сабака пайшоў на пах чалавека і не вярнуўся.
Афарбоўка чорна-белая, па характары сабака вельмі добры. Уладальнік мяркуе, што, магчыма, Берта зачапілася за амуніцыю і не можа перасоўвацца. Ці ж, верагодна, яе забраў чалавек, вырашыўшы, што жывёла згубілася.
«У той вобласці, меркавана, бачылі чалавека ў цёмным або камуфляжным касцюме. Таксама сабака мог проста суправаджаць чалавека, таму што ён навучаны не кідаць знойдзенага, калі ён перасоўваецца. Звычайна мы адсочваем сабаку па навігацыі, але менавіта сёння выехалі экстранна, не з дому, і з сабой навігацыі з ашыйнікам не было», — гаворыцца ў аб'яве аб знікненні.
Калі вы бачылі Берту ці ведаеце, дзе яна можа знаходзіцца, паведаміце па нумары атрада «Анёл» 7733.
Па даных на вечар нядзелі дзіця дагэтуль не знойдзена. Як паведамілі ў сваіх сацсетках прадстаўнікі атрада» Анёл», у пошуках задзейнічаны больш за 550 чалавек: гэта супрацоўнікі ўсіх ведамстваў, валанцёры з розных рэгіёнаў, кіналагічныя разлікі. Уведзены «чырвоны шчыт», патрэбна дапамога добраахвотнікаў.
UPD. Берта знайшлася, пра гэта паведамілі кінолагі ўранку 10 лістапада.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары