Дональд Трамп заявіў, што амерыканскія ўлады захапілі «вельмі вялікі» нафтавы танкер каля ўзбярэжжа Венесуэлы. Паводле яго слоў, для захопу танкера былі «вялікія прычыны», і паабяцаў даць падрабязнасці пазней, пiша Бі-бі-сі.
«З пункту гледжання навін гэта быў цікавы дзень. Як вы, напэўна, ведаеце, мы толькі што захапілі танкер ля ўзбярэжжа Венесуэлы, вялікі танкер, вельмі вялікі, найбуйнейшы з калі-небудзь захопленых. Адбываюцца і іншыя рэчы, так што вы ўбачыце гэта пазней і пагаворыце пра гэта пазней з іншымі людзьмі», — сказаў прэзідэнт ЗША журналістам у Белым доме.
«Ён быў захоплены па вельмі важкай прычыне», — сказаў ён журналістам крыху пазней, не ўдаючыся ў падрабязнасці. Трамп таксама паабяцаў, што ў бліжэйшы час будуць апублікаваны фатаграфіі.
Неўзабаве пасля заявы Трампа генеральны пракурор ЗША Пэм Бондзі апублікавала ў сацсетках дадатковую інфармацыю, заявіўшы, што танкер ужо шмат гадоў знаходзіцца пад санкцыямі з-за «ўдзелу ў незаконнай сетцы перавозкі нафты, якая падтрымлівае замежныя тэрарыстычныя арганізацыі».
Яна паведаміла, што ФБР, Міністэрства ўнутранай бяспекі і Берагавая ахова ЗША пры падтрымцы Міністэрства абароны «выканалі ордар на арышт нафтавага танкера, які выкарыстоўваўся для перавозкі санкцыйнай нафты з Венесуэлы і Ірана».
Бондзі дадала, што захоп судна ля ўзбярэжжа Венесуэлы быў «праведзены бяспечна і паспяхова», а расследаванне «перавозкі санкцыйнай нафты» працягнецца.
Яна таксама апублікавала кароткі відэазапіс самой аперацыі.
Венесуэла ў адказ на захоп танкера выпусціла заяву, у якой асудзіла Дональда Трампа, падкрэсліўшы, што «мэта прэзідэнта ЗША заўсёды заключалася ў тым, каб захапіць венесуэльскую нафту без якой-небудзь кампенсацыі».
Таксама ў заяве Каракаса сказана, што прычыны працяглай агрэсіі ЗША супраць Венесуэлы «нарэшце раскрыты»: «Гэта не міграцыя. Гэта не наркатрафік. Гэта не дэмакратыя. Гэта не правы чалавека. Гаворка заўсёды ішла аб нашых прыродных рэсурсах, нашай нафце, нашай энергіі — рэсурсах, якія належаць выключна венесуэльскаму народу».
У апошнія тыдні ЗША ўзмацнілі ваенную прысутнасць ля ўзбярэжжа Венесуэлы, заявіўшы, што гэтыя дзеянні накіраваны на барацьбу з наркатрафікам, аднак у Каракасе лічаць, што Вашынгтон імкнецца да змены рэжыму, каб атрымаць кантроль над венесуэльскімі прыроднымі рэсурсамі, у першую чаргу нафтай.
У дачыненні да венесуэльскай нафты ўведзены санкцыі, хоць для некаторых кампаній, напрыклад, амерыканскай Chevron, дзейнічаюць выключэнні з санкцыйнага рэжыму. Chevron ажыццяўляе бурэнне ў многіх частках Венесуэлы і працуе сумесна з дзяржаўнай нафтавай кампаніяй Petroleos de Venezuela (PDVSA).
У канцы лістапада паведамлялася аб тэлефоннай размове Дональда Трампа з прэзідэнтам Венесуэлы Нікаласам Мадура.
З верасня ЗША нанеслі ўдары больш чым па 20 суднах у Карыбскім моры, якія падазраюцца ў гандлі наркотыкамі, у выніку чаго загінулі па меншай меры 87 чалавек.
У панядзелак Трамп заявіў выданню Politico, што «дні Мадура палічаны», і не выключыў магчымасці наземнага ўварвання ЗША ў Венесуэлу.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі6
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2727
Каментары