У Маскве прызямліўся санітарны самалёт, на борце якога можа знаходзіцца Адам Кадыраў. Следам сеў самалёт Рамзана Кадырава
Санітарны самалёт Ан-148— 100‑ЕМ МНС Расіі, які вылецеў з Грознага пасля паведамленняў пра ДТЗ з удзелам Адама Кадырава, прызямліўся ў маскоўскім аэрапорце Унукава а 01:10 па маскоўскім часе, паведамляюць «Важныя гісторыі».
Следам за ім у сталіцу прыляцеў Airbus кампаніі «РусДжэт» (RA-73417), звязанай з былым дэпутатам і інвестарам Яўгенам Тугалуковым. Як вынікае з дадзеных уцечанай базы памежнай службы ФСБ, менавіта гэтым бортам Рамзан Кадыраў у апошнія гады рэгулярна лётае ў ААЭ, піша выданне.
Напярэдадні стала вядома, што сын кіраўніка Чачні Адам Кадыраў трапіў у сур’ёзную аўтамабільную аварыю, пасля якой яго шпіталізавалі. Паводле крыніцы «Каўказ.Рэаліі», у момант ДТЗ ён знаходзіўся за рулём.
Дакладнай інфармацыі пра яго стан няма: паводле адной версіі, ён без прытомнасці і знаходзіцца ў цяжкім стане, паводле іншай — прыйшоў у прытомнасць і яго стан не выклікае занепакоенасці ў дактароў.
-
Перамовы Кіеў — Масква — Вашынгтон пройдуць у пачатку лістапада
-
Памёр бізнэсмен Лучанскі, якога часопіс Time у 1990‑х назваў «самым небяспечным нязлоўленым злачынцам у свеце»
-
«Ну што, піндос, наваяваўся? Зараз мы табе пакажам». Як здзекваліся ў расійскім палоне з амерыканца Хабарда, якога выпусціў Пуцін
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары