Трамп адмаўляе, што адмяніў удары па Іране пад нечым уплывам, і дзякуе іранскім уладам
Дональд Трамп заявіў, што ніхто не спрабаваў уплываць на яго рашэнне і адгаворваць ад удару па Іране — ён прыняў гэтае рашэнне самастойна.
«Мяне ніхто не пераконваў. Я пераканаў сам сябе», — сказаў Трамп, пахваліўшы пры гэтым іранскую ўладу.
«Яны збіраліся павесіць больш за 800 чалавек учора, і я вельмі паважаю той факт, што яны гэта адмянілі. Дзякуй!» — дадаў ён.
Раней паведамлялася, што на рашэнне Трампа не рабіць супраць Ірана актыўных ваенных дзеянняў паўплывалі кіраўнікі краін Персідскага заліва — Саудаўскай Аравіі, Катара і Амана.
Журналісты пацікавіліся ў прэзідэнта ЗША, ці застаюцца ў сіле ягоныя ранейшыя словы пра тое, што дапамога ўдзельнікам антыўрадавых пратэстаў у Іране з боку ЗША «ўжо ў дарозе».
У адказ Трамп сказаў, што гэта яшчэ будзе вырашацца. «Мы паглядзім», — заявіў ён.
Цяпер чытаюць
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?13
Каментары
Маю спадзяванне тык ток Трампа у Іране нівядомы таму паўстаўшыя у Іране німают іллюзій марных спадзяванней на дапамогу з боку Трампа прэыдзента ЗАШ...
У адрознені ад тых у тым ліку нажаль беларусы якія мае доступ да інтэргэта і ..дагэтуль мают іллюзіі марныя спадзявання і будуют бэзсэнсоўныя тэорыі прпгнозы думку на словах гэтага .......прэзыдзента
Паводзіны дзеяння якога ..ні людзкія ні розума ні сумленя і ўсе больш вар'ятскія