«Нашая класіка. Для прыёмаў на найвышэйшым узроўні».
Заснавальнік віцебскага холдынгу Marko Мікалай Мартынаў у эфіры тэлеканала «Беларусь 1» прадэманстраваў мадэль мужчынскага абутку, якую абраў для сябе Аляксандр Лукашэнка.
Паводле слоў бізнэсоўца, гэта класічная мадэль, якая ідэальна падыходзіць нават для прыёмаў на найвышэйшым узроўні.
— Гэта нашая класіка, і мы гэтым ганарымся. Сёння яна ўжо практычна вывераная, гэтая мадэлька, і яна для прыёмаў на найвышэйшым узроўні.
Мартынаў дадаў, што мадэль ужо стала серыйнай.
Аляксандр Лукашэнка неаднаразова рэкламаваў віцебскі абутак. Ён згадваў выпадак, як нібыта здымаў абутак, каб даказаць Нурсултану Назарбаеву і іншым кіраўнікам краін, што на ім не італьянская ці французская вытворчасць, а беларуская марка.
А на нарадзе ў кастрычніку 2025 года ў Віцебску Лукашэнка пракаментаваў працу двух буйных брэндаў беларускага абутку — Marko і Belwest і пахваліў першага вытворцу.
«Marko працуе? Працуе. А чаму Belwest не працуе? На Marko нармальны мужык працуе, нават прэзідэнту шые чаравікі, — сказаў Лукашэнка, звярнуўшыся да Мікалая Мартынава. — Дзякуй вялікі, вось, твае чаравікі нашу. Калі ў мяне кіраўнікі дзяржаў [пытаюць]. Ведаеш, хто ім шые. Кажуць, што не можа быць! Я кажу: так, Marko».
У 2021 годзе Лукашэнку бачылі ў красоўках зусім не беларускай вытворчасці — на адкрыццё стадыёну «Дынамі-Юні» ён прыехаў у амерыканскіх Аir Force 1 фірмы Nike.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары