У першым сезоне восем эпізодаў.
Amazon Prime учора, 4 сакавіка, прэзентаваў серыял «Малады Шэрлак», які складаецца з васьмі эпізодаў. Рэжысёры — Гай Рычы, Андэрс Эксмтрэм, Трыша Брок і Дэні Гордан. Гай Рычы таксама галоўны прадзюсар серыяла.
У першым сезоне будзе расказана пра першую справу — юнаку давядзецца раскрыць забойства ў Оксфардскім універсітэце.
Маладога Шэрлока Холмса сыграў Хіра Файнс Ціфін (пляменнік Рэйва Файнса), а ягонага праціўніка Джэймса Марыярці — Донал Фін.
Будуць паказаныя бацькі Шэрлака (бацьку сыграе іншы дзядзька Хіра Файнса — Джозэф Файнс), а таксама яго брат Майкрафт.
Звяртае на сябе ўвагу і Колін Фёрт, які сыграў прафесара Буцэфала Ходжа з раскошнымі вусамі і бакенбардамі.
У кананічным Холмсе (апавяданнях і аповесцях сэра Артура Конан Дойла) ніякіх апавяданняў пра маладыя гады вялікага сышчыка няма.
Пра маладога Шэрлака пісаў Эндзі Лэйн, паводле аповесцяў якога і зняты «Малады Шэрлак». Пра «дарослага» Холмса піша Энтані Горавіц з блаславення нашчадкаў Артура Конан Дойла.
Гай Рычы зняў у 2009 і 2010 гадах два фільмы: «Шэрлак Холмс» і «Шэрлак Холмс: Гульня ценяў» з Робертам Даўні-малодшым у галоўнай ролі. Ватсана сыграў Джуд Лоу, Ірэн Адлер — Рэйчэл Макадамс, Майкрафта Холмса — Стывен Фрай, а Марыярці — Джарэд Харыс.
Потым інтэрпрэтацыі Рычы затміў серыял «Шэрлак» ад Бі-бі-сі, дзе галоўную ролю сыграў Бенедыкт Камбербетч, Ватсана — Марцін Фрымэн, а Марыярці — Эндру Скот.
На сайце Imbd, дзе ацэньваюцца фільмы, «Малады Шэрлак» мае 7,4 бала (646 галасоў), на Rotten Tomatoes — 84 працэнты адабрэння.
Цяпер чытаюць
Стала вядома пра смерць доўгажыхаркі Марыі Канановіч з Валожыншчыны, якой па пашпарце быў 121 год4
Каментары