Куба пачала перамовы з адміністрацыяй прэзідэнта ЗША Дональда Трампа на фоне найвялікшай энергетычнай крызіснай сітуацыі ў гісторыі краіны, піша Reuters.
Прэзідэнт Кубы Мігель Дыяс-Канэль у звароце да грамадзян паведаміў, што ўжо тры месяцы ў краіну не паступае паліва, а энергасістэма становіцца ўсё больш нестабільнай. Каб супрацьстаяць крызісу і павялічыць энергетычную незалежнасць, у 2026 годзе Куба павялічыла здабычу ўласных нафты і газу, а да канца сакавіка плануе павялічыць генерацыю сонечнай энергіі на 10%.
Таксама прэзідэнт Кубы заявіў, што кубінскія ўлады наважыліся на перамовы з ЗША. Цяпер ён сам разам з былым кіраўніком краіны, 94‑гадовым Раулем Кастра кіруе перамоўнай камандай ад Кубы.
Дыяс Канэль падкрэсліў, што краіна гатовая супрацоўнічаць з амерыканцамі на аснове роўнасці, павагі да палітычных сістэм абедзвюх дзяржаў і суверэнітэту.
Цяпер у сталіцы Кубы Гаване электрычнасць адсутнічае больш за 12 гадзін на суткі, а энергасістэма знаходзіцца ў стане «надзвычайнай нестабільнасці» пасля таго, як традыцыйныя пастаўкі нафты з Венесуэлы спыніліся ў студзені з-за паспяховай аперацыі ЗША па захопе тагачаснага лідара краіны Нікаласа Мадура.
Акрамя таго, кубінская ўлада абвясціла, што вызваліць 51 палітзняволенага як «жэст дабранадзейнасці» перад ЗША праз пасярэдніцтва Ватыкана.
У канцы студзеня Дональд Трамп увёў надзвычайны стан адносна Кубы і дадатковыя мыты для краін, якія пастаўляюць ёй нафту, абвінавачваючы краіну ў супрацоўніцтве з «варожымі дзяржавамі і тэрарыстычнымі групоўкамі» і ў парушэнні правоў чалавека. У адказ Куба абвясціла «міжнароднае надзвычайнае становішча».
Трамп таксама намякаў на магчымасць «сяброўскага захопу» краіны, падкрэсліваючы, што ЗША могуць зрабіць «што-небудзь карыснае» для насельніцтва.
Куба, у сваю чаргу, асудзіла аперацыю ЗША ў Венесуэле, адзначаючы, што гэта пагражае стабільнасці рэгіёна.
Куба даўно не жыла добра. Пры гэтым яе эканамічная мадэль і дэмаграфічнае падзенне моцна нагадвае лукашэнкаўскую. Ёй канец?
Трамп: Наступным лясне рэжым на Кубе
Сенатар Грэм: Дні Кубы злічаныя
Трамп пра Кубу: Я не думаю, што можна больш націснуць на Кубу, чым проста ўварвацца да іх і разнесці там усё
Сенатар Грэм назваў краіну, якую неўзабаве можа напаткаць лёс Венесуэлы
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект18
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары