Ларыса Доліна не здаецца — яна хоча спагнаць больш за 2 мільёны даляраў з кур’ераў, якім яна аддала грошы
Гісторыя з элітнай нерухомасцю Ларысы Долінай у Хамоўніках, якая цягнулася амаль два гады, атрымала новы віток. Спявачка звярнулася ў Балашыхінскі раённы суд з іскам да чатырох кур'ераў, якім яна сама перадала наяўныя пад уплывам махляроў. Доліна патрабуе ад іх выплаты больш за 176 мільёнаў рублёў — каля 2,1 млн даляраў.
Усё пачалося вясной 2024 года, калі Доліна патрапіла пад уплыў тэлефонных аферыстаў, якія выдавалі сябе за супрацоўнікаў ФСБ і Расфінманіторынгу. Злачынцы пераканалі народную артыстку РФ, што яе сродкі пад пагрозай, і ўцягнулі яе ў «спецаперацыю». У выніку Доліна не толькі перавяла ўвесь свой ашчадак на «бяспечныя рахункі», але і па патрабаванні куратараў прадала сваю кватэру маці-адзіночцы Паліне Лур'е за 112 мільёнаў рублёў.
Першапачаткова расійскае правасуддзе было на баку зоркі. Хамоўніцкі суд Масквы прызнаў здзелку несапраўднай, заявіўшы, што Доліна дзейнічала пад моцным псіхалагічным ціскам і не ўсведамляла рэальнасці падзей. Гэта паставіла пакупніцу Паліну Лур'е ў катастрафічнае становішча: яна засталася і без грошай, і без жылля. Рэзананс быў вялізарным. Таму ў снежні 2025 года Вярхоўны суд РФ прыняў іншае рашэнне, прызнаўшы Лур'е добрасумленнай пакупніцай. Суд пастанавіў, што ашуканая ўладальніца кватэры павінна сама несці адказнасць за свае дзеянні. У студзені 2026 года Доліна была вымушаная выселіцца з кватэры.
Цяпер Доліна спрабуе спагнаць грошы з непасрэдных выканаўцаў, якія ўжо атрымалі рэальныя тэрміны ў калоніі — ад 4 да 7 гадоў. Хоць суд ужо прызнаў іх вінаватымі, спявачка пакуль не атрымала ніякай кампенсацыі. Пазоў на 176 мільёнаў рублёў уключае як суму за прададзеную кватэру, так і астатнія скрадзеныя зберажэнні.
Пры гэтым самі асуджаныя на працэсе заяўлялі, што самі былі ахвярамі ашуканцаў, іх выкарыстоўвалі ўсляпую і яны не разумелі маштабаў і сэнсу аферы.
Спецыяліст расказаў, як сябе засцерагчы ад падману па схеме Долінай
У Мінску адбыўся суд, аналагічны выпадку з кватэрай Долінай. Як ён скончыўся?
Як выглядае знакамітая кватэра Долінай, праз якую спявачку зненавідзелі ў Расіі
«Мы пад уплывам яе прадавалі». «Бела-Кола» ўварвалася ў скандал з кватэрай Долінай
Спявачка Ларыса Доліна расказала, што нават пазычала грошы, каб аддаць іх махлярам. Усяго з яе выцягнулі каля 4 мільёнаў даляраў
Цяпер чытаюць
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?14
Каментары