Здароўе22

Чаму жанчыны часцей пакутуюць на мігрэнь, а мужчыны — на інфаркты?

Многія іншыя хваробы таксама часцей узнікаюць у прадстаўнікоў пэўнага полу або працякаюць у іх цяжэй. Якія захворванні больш характэрныя для жанчын, а якія — для мужчын? І што стаіць за гэтымі адрозненнямі? 

Фота: Getty Images

Статыстыка паказвае, што жанчыны значна часцей пакутуюць ад аўтаімунных захворванняў. Каля чатырох з пяці пацыентаў з такімі хваробамі — жанчыны. Усяго вядома каля 80 аўтаімунных захворванняў, у тым ліку дыябет першага тыпу, рассеяны склероз, ваўчанка і рэўматоідны артрыт. Пры сіндроме Шэгрэна, які выклікае сухасць вачэй і слізістых абалонак, жанчыны складаюць каля 95% пацыентаў, піша выданне Bild.

Трывожныя засмучэнні і дэпрэсія таксама сустракаюцца ў жанчын прыкладна ўдвая часцей. Сярод хворых на хваробу Альцгеймера дзве траціны — жанчыны, у іх рызыка развіцця гэтай хваробы прыкладна ўдвая вышэйшая.

Хранічная нырачная недастатковасць таксама часцей сустракаецца ў жанчын, асабліва пасля менапаўзы. Аднак цяжкія стадыі гэтай хваробы часцей развіваюцца ў мужчын. Ва ўсім свеце больш жанчын пакутуюць ад залішняй вагі.

Жанчыны таксама часцей пакутуюць ад астэапарозу — метабалічнага захворвання, якое аслабляе косці. Да распаўсюджаных у іх праблем адносяцца таксама захворванні апорна-рухальнай сістэмы, хваробы шчытападобнай залозы і мігрэнь.

Сярод хранічных захворванняў лёгкіх ХАХЛ (хранічная абструктыўная хвароба лёгкіх) у жанчын часта праяўляецца мацней і выклікае больш выяўленую задышку. Акрамя таго, існуюць і спецыфічныя жаночыя захворванні, напрыклад эндаметрыёз. Самым распаўсюджаным відам раку ў жанчын застаецца рак малочнай залозы.

Мужчынская ўразлівасць

Некаторыя захворванні значна часцей сустракаюцца ў мужчын. Напрыклад, аўтызм пераважна дыягнастуецца ў хлопчыкаў, каля трох з чатырох дзяцей з гэтым расстройствам — мужчынскага полу.

Хвароба Паркінсона ў мужчын сустракаецца прыкладна ўдвая часцей, хоць у жанчын яна часта прагрэсуе хутчэй і часцей заканчваецца смерцю.

З астмай назіраецца іншая карціна: у дзяцінстве хлопчыкі хварэюць часцей і цяжэй, але пасля палавога паспявання гэтая тэндэнцыя змяняецца, і астма часцей сустракаецца ў жанчын.

Інсульты ў цэлым часцей адбываюцца ў мужчын, але іх наступствы звычайна цяжэйшыя для жанчын. Мужчыны таксама часцей хварэюць на туберкулёз, а пры пнеўманіі і іншых інфекцыях дыхальных шляхоў у іх часцей развіваецца вострае запаленне.

Ішэмічная хвароба сэрца ў жанчын звычайна развіваецца на сем—дзесяць гадоў пазней, чым у мужчын. Самі інфаркты таксама часцей здараюцца ў мужчын, але ў жанчын яны часцей заканчваюцца смерцю. Да менапаўзы жанчыны звычайна маюць ніжэйшы крывяны ціск і меншыя ўзроўні тлушчаў у крыві, чым мужчыны таго ж узросту.

Неалкагольная тлушчавая хвароба печані таксама часцей сустракаецца ў мужчын.

Дыябет другога тыпу закранае пол па-рознаму на розных этапах жыцця: да палавога паспявання ім часцей хварэюць хлопчыкі, а пасля менапаўзы — жанчыны.

У цэлым мужчыны часцей хварэюць на рак, асабліва на рак лёгкіх і рак тоўстай кішкі. Ёсць і выключна мужчынскія захворванні — рак прастаты і дабраякаснае павелічэнне прастаты. Акрамя таго, мужчыны ў сярэднім часцей атрымліваюць траўмы.

Чаму мужчыны і жанчыны хварэюць па-рознаму

Навукоўцы тлумачаць гэтыя адрозненні спалучэннем біялагічных і псіхасацыяльных фактараў.

Адным з ключавых фактараў з’яўляецца генетыка. Жанчыны маюць дзве X-храмасомы, у той час як мужчыны — адну X і адну Y. Гэта стварае своеасаблівую «страхоўку»: калі адзін ген на X-храмасоме мае дэфект, здаровая копія на другой можа часткова кампенсаваць яго працу. Акрамя таго, X-храмасома змяшчае шмат генаў, важных для функцыянавання імуннай сістэмы. Таму жаночы імунны адказ часта мацнейшы, але гэта ж можа павышаць схільнасць да аўтаімунных захворванняў.

Вялікую ролю адыгрываюць і гармоны. Жаночы гармон эстраген можа ўзмацняць імунны адказ і аказваць ахоўны эфект для сасудаў. Тэстастэрон, наадварот, у пэўнай ступені прыгнятае актыўнасць імуннай сістэмы і можа зніжаць інтэнсіўнасць імуннага адказу.

Ёсць таксама анатамічныя і метабалічныя адрозненні. У жанчын звычайна большы працэнт падскурнага тлушчу, які служыць энергетычным запасам і ўдзельнічае ў гарманальным абмене. У мужчын часцей назапашваецца вісцаральны тлушч вакол унутраных органаў, што звязана з павышанай рызыкай метабалічных і сардэчна-сасудзістых захворванняў.

Нарэшце, значэнне маюць і псіхасацыяльныя фактары. Жанчыны часцей і раней звяртаюцца па медыцынскую дапамогу, у той час як мужчыны часцей кураць і ўжываюць алкаголь.

Каментары2

  • Что Делает Водка
    07.03.2026
    мужчины много пьют, ослабляются кости, становятся хрупкими сосуды... Вот она основная причина инфарктов и инсультов. АЛКОГОЛИЗМ- заглада Беларусов, особенно в провинции. Беда. А этот везде суёт "чарку и шкварку", а сам не пьёт. Равёл частные алкогольные магазины по всей стране.
  • AD
    07.03.2026
    Вот если бы призвать беларусов не покупать алкоголь от слово вообще. Какой бо был удар по кашелькам лукашенка

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць