ЗША не прымае новыя мірныя прапановы Ірана, заявіў у Truth Social амерыканскі прэзідэнт Дональд Трамп.
«Я толькі што азнаёміўся з адказам так званых «прадстаўнікоў» Ірана. Мне гэта не падабаецца — ГЭТА АБСАЛЮТНА НЕПРЫМАЛЬНА!», — напісаў ён.
Пазней прэзідэнт ЗША расказаў Axios: «Мне не падабаецца іх ліст. Ён недарэчны. Мне не падабаецца іх адказ». Аднак удавацца ў прычыны сваёй рэакцыі не стаў.
У Тэгеране тым часам заявілі, што рэакцыя «так званага прэзідэнта ЗША» на іранскую мірную прапанову для іх «не мае ніякага значэння».
«У Іране ніхто не распрацоўвае планы для задавальнення Трампа. Перамоўная каманда павінна распрацоўваць планы толькі ў інтарэсах народа Ірана, і калі Трамп гэтым незадаволены, то, верагодна, так нават лепш», — расказаў суразмоўца агенцтва Tasnim.
Ён дадаў, што Трамп «наогул не любіць рэальнасць», таму ён пастаянна церпіць паразы ад Ірана.
ЗША атрымалі шматстаронкавы іранскі план урэгулявання канфлікту праз Пакістан. Па звестках The Wall Street Journal, Іран прапанаваў прыступіць да дыялогу па сваёй ядзернай праграме, перамовы павінны працягвацца на працягу месяца. Пакуль, вынікала з іранскай ініцыятывы, дапускаецца паэтапнае адкрыццё Армузскага праліва для гандлёвых суднаў у абмен на зняцце амерыканскай блакады іранскіх партоў.
Цяпер чытаюць
Сяргей Ціханоўскі запусціў свой ютуб-канал з вершамі і казкамі74
Каментары
- Скорее. вытаскивайте меня отсюда!