12 мая а 12‑й гадзіне дня па мінскім часе Выбарчая камісія абвясціла пра запуск платформы для галасавання. Паводле арганізатараў, сістэма працуе, нягледзячы на працяглыя кібератакі.
Старшыня Выбарчай камісіі Алена Прыходзька заявіла, што платформа ўжо прайшла ўсе неабходныя тэсты, лічыцца бяспечнай і здольная вытрымліваць пастаянны DDoS-ціск.
Пачатак галасавання з-за маштабных кібератак давялося перанесці. Паведамляецца, што з пачатку мая платформа «Тры сланы», звязаная з выбарчым працэсам, падвяргаецца вельмі вялікай колькасці запытаў. Каб павысіць бяспеку, каманда Паўла Лібера перанесла сістэму з воблачных сервераў на фізічныя і правяла дадатковую праверку ўсёй архітэктуры.
Толькі ўчора ўвечары, паводле арганізатараў, было зафіксавана каля 1,9 мільярда запытаў на «Тры сланы» і яшчэ 1,3 мільярда — на саму платформу галасавання. Усю ноч спецыялісты праводзілі дадатковыя тэсты, каб забяспечыць стабільнасць і бяспеку працы сістэмы.
У сувязі з затрымкай старту Выбарчая камісія плануе прапанаваць Каардынацыйнай радзе падоўжыць тэрміны галасавання, каб усе ахвотныя паспелі ўзяць удзел. Раней яго планавалася скончыць 17 мая.
Галасаванне на выбарах у Каардынацыйную раду пакуль не пачалося
Выбары ў Каардынацыйную раду ў вызначаны час не стартавалі
Каардынацыйная рада не знайшла падстаў адмаўляцца ад супрацоўніцтва з Sumsub
Дарадца Ціханоўскай заклікаў узяць удзел у выбарах у Каардынацыйную раду
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне
Кампанія Sumsub, задзейнічаная ў апрацоўцы пашпартоў беларусаў, якія галасуюць на выбарах у КР, адрэагавала на публікацыю «НН»
Каментары