12 maja a 12‑j hadzinie dnia pa minskim časie Vybarčaja kamisija abviaściła pra zapusk płatformy dla hałasavańnia. Pavodle arhanizataraŭ, sistema pracuje, niahledziačy na praciahłyja kibierataki.
Staršynia Vybarčaj kamisii Alena Prychodźka zajaviła, što płatforma ŭžo prajšła ŭsie nieabchodnyja testy, ličycca biaśpiečnaj i zdolnaja vytrymlivać pastajanny DDoS-cisk.
Pačatak hałasavańnia z-za maštabnych kibieratak daviałosia pieranieści. Paviedamlajecca, što z pačatku maja płatforma «Try słany», źviazanaja z vybarčym pracesam, padviarhajecca vielmi vialikaj kolkaści zapytaŭ. Kab pavysić biaśpieku, kamanda Paŭła Libiera pieraniesła sistemu z vobłačnych siervieraŭ na fizičnyja i praviała dadatkovuju pravierku ŭsioj architektury.
Tolki ŭčora ŭviečary, pavodle arhanizataraŭ, było zafiksavana kala 1,9 miljarda zapytaŭ na «Try słany» i jašče 1,3 miljarda — na samu płatformu hałasavańnia. Usiu noč śpiecyjalisty pravodzili dadatkovyja testy, kab zabiaśpiečyć stabilnaść i biaśpieku pracy sistemy.
U suviazi z zatrymkaj startu Vybarčaja kamisija płanuje prapanavać Kaardynacyjnaj radzie padoŭžyć terminy hałasavańnia, kab usie achvotnyja paśpieli ŭziać udzieł. Raniej jaho płanavałasia skončyć 17 maja.
Hałasavańnie na vybarach u Kaardynacyjnuju radu pakul nie pačałosia
Vybary ŭ Kaardynacyjnuju radu ŭ vyznačany čas nie startavali
Kaardynacyjnaja rada nie znajšła padstaŭ admaŭlacca ad supracoŭnictva z Sumsub
Daradca Cichanoŭskaj zaklikaŭ uziać udzieł u vybarach u Kaardynacyjnuju radu
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie
Kampanija Sumsub, zadziejničanaja ŭ apracoŭcy pašpartoŭ biełarusaŭ, jakija hałasujuć na vybarach u KR, adreahavała na publikacyju «NN»
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča17
Kamientary