Калумбія вядомая шмат чым, аднак беларусаў яна радуе перадусім незвычайнай садавіной, заўважанай на прылаўках сталічных крам, піша Tochka.by.
Плады пасіфлоры, якія з'явіліся ў мінскіх крамах, завезлі непасрэдна з Калумбіі. Каштуе экзатычная садавіна па 29,99 рубля за кілаграм.
Плады пасіфлоры звычайна маюць круглую або авальную форму і могуць быць рознага колеру — ад жоўтага да фіялетавага ці нават зялёнага. Унутры плода знаходзіцца жэлепадобная мякаць з чорным насеннем.
У гэтым канкрэтным выпадку пасіфлора фіялетавая, чымсьці колерам нагадвае баклажан, але больш светлага адцення. Дарэчы, прыемны водар ад яе ідзе адразу з прылаўка.
Смак кісла-салодкі. А вось мякаць мае яркі, асвяжальны водар і часта апісваецца як трапічная, з нотамі цытрусавых і ананаса. У залежнасці ад сорту смак можа вар'іравацца.
Плады часта выкарыстоўваюць у кулінарыі для прыгатавання сокаў, дэсертаў, марожанага і кактэйляў. Іх яшчэ можна дадаваць у салаты або спажываць у свежым выглядзе.
Таксама пасіфлора не толькі смачная, але і карысная: яна багатая на вітаміны (асабліва вітамін C), антыаксіданты і клятчатку.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі71
Каментары