Пенсіянерка з Мінска паўгода гандлявала на біржы, якой не існавала, і страціла на гэтым больш за 33 тысячы рублёў, паведамілі ў ГУУС Мінгарвыканкама.
Жыхарка сталіцы ўбачыла рэкламу, якая абяцала высокі і хуткі даход ад інвестыцый. Яна перайшла па спасылцы і патэлефанавала ў месенджары па пазначаным нумары тэлефона. Суразмоўца прызначыў 75‑гадовай пенсіянерцы персанальнага «куратара» для правядзення здзелак на біржы.
Куратар заявіў пра неабходнасць адкрыць спецрахунак для аперацый і захоўвання прыбытку. Для гэтага жанчына паставіла на смартфон дадатак.
З дапамогай праграмнага забеспячэння, спампаванага па інструкцыі куратара, зламыснікі атрымалі кантроль над прыладай і доступ у асабісты кабінет інтэрнэт-банкінгу пенсіянеркі, а таксама стварылі віртуальную карту.
На працягу паўгода мінчанка пераводзіла грошы на падкантрольны ашуканцам рахунак, будучы ўпэўненай, што паспяхова ўдзельнічае ў таргах на фінансавым рынку. У агульным ліку пенсіянерка страціла больш за 33 тысяч рублёў.
Цяпер па гэтым інцыдэнце завялі крымінальную справу па факце махлярства.
Жыхарка Магілёва пасля званка махляроў засталася без кватэры і ў агромністых даўгах
Мінчук аддаў махлярам два айфоны і робаты-пыласмокі, бо не хапала пераведзенага крэдыту
Мінчук прызнаўся міліцыянерам, што ён — кур’ер махляроў
У Мінску затрымалі 19‑гадовага студэнта юрфака. Ён быў кур'ерам махляроў і прыехаў з Расіі
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары