У Воранаўскім раёне моцны вецер нанёс значныя пашкоджанні жылым і гаспадарчым будынкам. Паводле інфармацыі МНС, стыхія пашкодзіла дахі 140 жылых дамоў, а таксама дзесяці сельскагаспадарчых аб'ектаў.
У Воранаўскім раёне створаная спецыяльная камісія, якая займаецца ацэнкай наступстваў непагадзі і арганізацыяй аднаўленчых работ.
Акрамя таго, ратавальнікі 25 разоў выязджалі на распілоўку і ўборку паваленых дрэў у пяці раёнах Гродзенскай вобласці. Паводле папярэдніх звестак, пацярпелых няма.
Увогуле ў панядзелак заходнія раёны Беларусі апынуліся пад уздзеяннем навальніц з моцным ветрам. У Гродне пасля залеваў былі падтопленыя некаторыя вуліцы, а ў частцы Пастаўскага раёна часова знікла электразабеспячэнне.
На Пастаўшчыне кароткачасова без электрычнасці заставаліся спажыўцы, якія атрымліваюць электраэнергію ад падстанцый «Камаі», «Лынтупы» і «Вярэнькі». Паводле стану на 20:00 былі адключаны чатыры лініі электраперадачы напружаннем 10 кВ, у выніку чаго частка жыхароў Паставаў заставалася без святла.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары