У Мінску міліцыя са зброяй затрымлівала трох рэцыдывістаў-гастралёраў
У Мінску супрацоўнікі крымінальнага вышуку пры падтрымцы байцоў АМАП затрымалі трох замежных грамадзян, якія падазраюцца ў спробе буйнога крадзяжу з прыватнага дома. Падчас аперацыі супрацоўнікі спецпадраздзялення прымянілі агнястрэльную зброю, паведаміла прэс-служба МУС.
Паводле інфармацыі МУС, падчас асабістага надгляду затрыманых і агляду іх аўтамабіля былі знойдзеныя і канфіскаваныя спецыяльныя прылады для незаконнага пранікнення ў жыллё. У іх таксама былі маскі, пальчаткі, лом, зменнае адзенне і іншыя рэчы, якія, паводле следства, маглі выкарыстоўвацца пры здзяйсненні злачынства.
Затрыманым 39, 43 і 56 гадоў. Усе яны — замежныя грамадзяне, якія раней неаднаразова прыцягваліся да крымінальнай адказнасці за цяжкія і асабліва цяжкія злачынствы, у тым ліку за наўмыснае прычыненне цяжкіх цялесных пашкоджанняў, што прывяло да смерці чалавека.
Як паведамілі ў МУС, падазраваныя прыехалі ў Мінск, каб выкрасці буйную суму грошай — ад паўтара да пяці мільёнаў даляраў. Сілавікі загадзя атрымалі інфармацыю, што невядомыя ў масках вывучаюць тэрыторыю каля катэджа ў Цэнтральным раёне сталіцы, рыхтуючыся да злачынства.
Паводле інфармацыі следства, зламыснікі ведалі код электроннага замка на варотах, таму бесперашкодна прайшлі на тэрыторыю дома, абышлі яго з тыльнага боку, пашкодзілі шклопакет і паспрабавалі трапіць у пакой, дзе знаходзіўся сейф з грашыма. Яны таксама былі ўпэўненыя, што гаспадароў няма дома, бо тыя знаходзіліся за мяжой на адпачынку.
Пасля першай няўдалай спробы падазраваныя выехалі ў Расію, але ўжо на наступны дзень вярнуліся ў Беларусь.
У выніку сумеснай працы беларускага крымінальнага вышуку і расійскіх сілавікоў удалося ўстанавіць асобы падазраваных. Іх затрымалі падчас чарговай спробы здзейсніць крадзеж.
Цяпер сілавікі праводзяць далейшыя аператыўна-вышуковыя мерапрыемствы, каб высветліць усе акалічнасці здарэння і праверыць магчымую датычнасць затрыманых да іншых злачынстваў, учыненых у Беларусі і на тэрыторыі іншых краін СНД.
У Расіі спецназ затрымаў агрэсіўнага крымінальніка, які напярэдадні спрабаваў заправіцца без чаргі і абражаў людзей
У Лоеве брыгадзе хуткай дапамогі пагражалі пісталетам
У Пастаўскім раёне 17‑гадовага кіроўцу затрымлівалі са стральбой
«Накіраваў аўтамабіль у бок паліцыянтаў». У польскай пракуратуры пракаментавалі справу са стральбой па беларусе ў Польшчы
Цяпер чытаюць
Арыштаваны сенатар Карпіцкі, галоўны доктар Брэсцкай абласной бальніцы14
Каментары
Письмо японца домой:
Вано, прачты. Ти грамотный? Нэ знаю.
Сходы к соседу, пусть тэбэ прочтиот.
Скажы, сыжу, на зонэ срок матаю.
Увидымся нэ раньше – чэрэз год.
Кагда прачтеш, сходы, правэдай Гоги,
Чтоб думал, мэжду прочим, галавой.
А то ещо ему завинтят роги
И сделают тогда нам «групповой».
Нэ шли сюда гашишь и даже чачу.
У мене на этот аппэтит прошел.
Ты замастырь мне лучше пэредачу –
Пабольше сала – будет хорошо.