Уначы Сонца перасекла нябесны экватар і перайшло з Паўночнага паўшар’я ў Паўднёвае. У гэты момант працягласць дня і ночы практычна зраўнялася.
Што праўда, у Мінску ноч зраўняецца з днём у пятніцу. А 7‑й раніцы ў гэты дзень сонца ўзыдзе над гарызонтам, а зойдзе а 19-й.
Пасля раўнадзенства светлавы дзень у Паўночным паўшар’і пачне імкліва скарачацца — прыкладна на чатыры-пяць хвілін на дзень, аж да зімовага сонцастаяння 21 снежня. Тады настане самы кароткі дзень у годзе. У Мінску ён складае прыкладна сем гадзін 23 хвіліны.
Што да народных прыкмет, то сонечны і цёплы дзень абяцае мяккую зіму, а дажджлівы — зацяжную восень.
На сёння акурат абяцаюць цягам дня дажджы.
Цяпер чытаюць
У расійскай арміі беларускага наёмніка павесілі на дрэве ўніз галавой і білі палкай па геніталіях6
Каментары