Зроблена гэта праз удары Расіі.
Расійскія налёты вымушаюць Польшчу эвакуяваць пункты пропуску на мяжы з Украінай. Пра гэта сёння паведаміў прэм’ер-міністр краіны Дональд Туск, піша Reform.news.
«Гэта сапраўдная трагедыя нашага часу, бо гэта не першы раз, калі я размаўляю з адным з нашых партнёраў тут, у Варшаве, і абмяркоўваю агрэсіўныя паводзіны Расіі і праблемы, якія яны ствараюць для Польшчы. І менавіта ў гэты момант расіяне вырашаюць гэта даказаць. Пакуль мы толькі што размаўлялі, Украіна зноў падвергнулася нападу каля польскай мяжы, і нам зноў давялося эвакуяваць памежныя пераходы ў Грубешаве і Дарагуску», — сказаў Дональд Туск на прэс-канферэнцыі з прэм’ер-міністрам Балгарыі Руменам Радзевым.
Праца пунктаў пропуску перарывалася на паўгадзіны. Польшча пачала звяртацца да практыкі эвакуацыі КПП пасля таго, як Расія на працягу апошніх тыдняў наносіла ўдары па ўкраінскіх пунктах пропуску на межах з Малдовай і Румыніяй, а пазней шэраг выбухаў прагрымеў і паблізу ўкраінска-польскіх памежных пераходаў.
Памілаваныя 15 чалавек, сярод якіх 13 палітвязняў15
Каментары