Заробкі бюджэтнікам павялічаныя на восьмую частку таго, што з'ела дэвальвацыя
Заробкі вырастуць прыкладна на 7%.
Улады Беларусі індэксавалі зарплаты бюджэтнікаў на 26,6%. Аднак... не ўсю зарплату, а толькі яе частку ў межах 343,26 тысячы беларускіх рублёў. Гэта азначае, што рэальны рост зарплаты складзе ўсяго каля 7%.
Гэта адбылося насуперак прапановам некаторых экспертаў пра поўнае замарожванне заробкаў.
У Мінпрацы і сацыяльнай абароны краіны растлумачылі, што даходы бюджэтнікаў будуць праіндэксаваныя, бо рост цэнаў за май перавысіў 5% да месяца іх папярэдняй індэксацыі ў красавіку 2011 года. Праіндэксавана будзе толькі частка зарплаты ў межах 343,26 тысячы беларускіх рублёў (1 долар — 4988 рублёў). Месячная мінімальная заработная плата за май 2011 года будзе праіндэксавана і павялічыцца на 23,7% да 541,35 тысячы рублёў.
Такім чынам, заробкі тых, хто зарабляе найменш, вырастуць у большай ступені чым тых, хто мае большы даход.
Як рыхтаваўся візіт Ціханоўскай у Кіеў і чаму ён некалькі разоў пераносіўся11
Каментары