«Мы можам узяць практычна ўсё, што захочам». Трамп — пра пагадненне з Украінай аб нетрах
«Гэта была даволі выгадная здзелка», — сказаў прэзідэнт ЗША.
Дональд Трамп зрабіў заяву наконт пагаднення аб рэдказямельных рэсурсах, якое, паводле яго слоў, забяспечвае Злучаным Штатам доступ да ўкраінскіх нетраў і можа аказацца больш выгадным, чым аб'ём амерыканскай дапамогі Украіне, піша Інтэрфакс-Украіна.
«Мы заключылі пагадненне (з Украінай)… У нас ёсць падпісаны кантракт. Што датычыцца рэдказямельных рэсурсаў, мы можам зайсці туды ў любы момант. Мы можам узяць практычна ўсё, што захочам. Гэта была даволі выгадная здзелка».
Паводле слоў кіраўніка Белага дома, Украіна «вельмі багатая» на рэдказямельныя рэсурсы, а кошт заключанага пагаднення, на яго думку, можа значна перавышаць аб'ём амерыканскай дапамогі.
Ён выказаў меркаванне, што кошт доступу да гэтых рэсурсаў можа перавышаць 300 млрд даляраў, таму кантракт у любым выпадку з'яўляецца выгадным, і Вашынгтон «верне сабе свае грошы».
Каментары
Пакуль Зяленскі марудзіў, Пуцін ужо захапіў некаторыя радовішчы рэдказямельных металаў.
Вашы закідоны "усе дуракі" пакіньце сабе.