Vieniecyjanski kinafiestyval, što pačaŭsia 28 žniŭnia, prynios sumnyja naviny. Chajaa Mijadzaki, suśvietna viadomy režysior-animatar ź Japonii, zajaviŭ, što sychodzić na piensiju i bolš nie budzie zajmacca kiniematohrafam.
72-hadovy Mijadzaki pryjechaŭ na vyspu Lido la Vieniecyi, kab prezientavać svaju novuju poŭnamietražnuju stužku «Viecier macnieje» pra avijakanstruktara Dzira Charykosi, što pracavaŭ nad viadomym japonskim źniščalnikam Druhoj suśvietnaj vajny Mitsubishi A6M Zero. Padčas svajoj pramovy na kinafiestyvali Mijadzaki skazaŭ, što «Viecier macnieje» — jahonaja apošniaja stužka.
Mijadzaki pačynaŭ svoj tvorčy šlach u jakaści animatara. Za svaju karjeru režysiora jon źniaŭ 11 poŭnamietražnych i 8 karotkamietražnych animacyjnych stužak. Taksama Mijadzaki zajmaŭsia pradziusavańniem, malavaŭ komiksy i pisaŭ scenary. Stužki Mijadzaki palubilisia ludziam va ŭsim śviecie za svaju dabryniu i niezvyčajnych i zapaminalnych piersanažaŭ: puchnaty lasny duch Totara, zamak Choŭła, jaki moža chadzić, lotčyk Porka Rosa, što praz praklaćcie pieratvaryŭsia ŭ śvińniu, niezvyčajnyja žychary łaźni dla duchaŭ u multfilmie «Źniesienyja pryvidami». Apošni byŭ pryznany adnoj z najlepšych animacyjnych stužak u historyi i taksama atrymaŭ «Oskara» i Załatoha miadźviedzia Bierlinskaha kinafiestyvalu.
-
«Čužy: Ziamla» — krytyki raschvalvajuć novy sieryjał pa kultavaj kinafranšyzie. A što nasamreč?
-
Pamior akcior Terens Stemp, viadomy pa rolach u «Supiermienie» i «Zornych vojnach»
-
Biełaruskija akciory, jakija syhrali hałoŭnyja roli ŭ niamiecka-aŭstryjskim filmie, atrymali ŭznaharody na kinafiestyvali ŭ Łakarna
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary