Aktyvisty mahiloŭskaj haradskoj arhanizacyi TBM prapanavali ŭładam ustanavić dva baniery z vykazvańniami Janki Kupały i Uładzimira Karatkieviča pra Mahiloŭ.
Jak paviedamiŭ staršynia arhanizacyi Aleh Dźjačkoŭ na niadaŭniaj sustrečy ŭ Mahiloŭskim abłvykankamie staršynia harvykankama Uładzimir Cumaraŭ stanoŭča ŭspryniaŭ prapanovu ab ustanaŭleńni baniera sa słovami pra Mahiloŭ, uziatymi z tvora Uładzimira Karatkieviča «Sivaja lehienda». «Cumaraŭ daŭ rasparadžeńnie svaim padnačalenym raspracavać varyjanty afarmleńnia hetaha stenda», — zaznačyŭ Dźjačkoŭ.
Taksama TBM prapanavała eskiz baniera z vytrymkami z paemy Janki Kupały «Mahiła lva». Načalnik hałoŭnaha ŭpraŭleńnia ideałahičnaj pracy, kultury i pa spravach moładzi Anatol Sinkaviec adkazaŭ, što ŭłady buduć šukać miesca, dzie možna ŭstanavić taki stend.
Pavodle słoŭ hramadskaha aktyvista, mahiloŭskija ŭłady padtrymali mierkavańnie TBM pra nieabchodnaść bolš častaha vykarystańnia biełaruskaj movy ŭ nadpisach i ŭkazalnikach u Mahilovie i rajonach.
»Naprykład, zaviaršyłasia rekanstrukcyja trasy Mahiloŭ — Minsk, i darožny ŭkazalnik zrabili na ruskaj movie, choć raniej jon byŭ na biełaruskaj. Toje ž samaje było ŭ Drybinie, kali pierarabili ŭkazalniki ź biełaruskaj na ruskuju. Małaška skazaŭ, što heta było zroblena nie naŭmysna, a pa niedahladzie čynoŭnikaŭ. A Sinkaviec paabiacaŭ, što daść rasparadžeńnie ideołaham i adpaviednym ustanovam, kab u dalejšym rabili ŭkazalniki na biełaruskaj movie», — skazaŭ Aleh Dźjačkoŭ.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary