U internecie raspaŭsiudžvajuć zvarot niaisnaha «arhkamiteta Biełaruskaj Narodnaj Respubliki» ab dałučeńni da Rasii
Fota arkušaŭ sa zvarotam dasłali i na mejł «Našaj Nivy». Vyhladaje heta ŭsio jak čyjaści hrubaja pravakacyja.
U zvarocie śćviardžajecca, što Respublika Biełaruś — heta «nieparazumieńnie historyi». Što biełarusy i ruskija — heta «adziny narod».
Pieraličvajecca pa punktach, jak Alaksandr Łukašenka «pieraškadžaje paŭnavartasnamu ŭźjadnańniu našaha adzinaha naroda». Aŭtary zvarotu pišuć, što «harantyjaj zachavańnia našaha adzinaha narodu moža być tolki ŭvachodžańnie ŭsioj ci choć by ŭschodniaj častki Biełarusi ŭ skład Rasijskaj Fiederacyi ŭ jakaści 23-j respubliki. Alaksandr Łukašenka daje nam (ruskim) peŭnuju pieravahu — nichto ź mižnarodnaj supolnaści nie budzie abvinavačvać Rasiju ŭ ahresii pa toj pryčynie, što Biełaruś źjaŭlajecca dyktaturaj».
Na zvarocie staić aniekdatyčny hierb. Niesurjoznaść zvarotu padkreślivajecca tym faktam, što na tytulnaj staroncy aŭtary pišuć dva apošnija słovy vyrazu «Biełaruskaja narodnaja respublika» z małych litar, a na apošniaj — usio ź vialikich, «Biełaruskaja Narodnaja Respublika».
Podpisaŭ pad «zvarotam» niama.
Aŭtary jaŭna paradzirujuć zadumku rasijskich śpiecsłužbaŭ, z padačy jakich u Daniecku była abvieščana Danieckaja narodnaja respublika. Kupka aktyvistaŭ abvieściła anałahičnyja Charkaŭskuju i Adeskuju narodnyja respubliki. Heta było zroblena na mitynhach z udziełam pary socień čałaviek.
U Biełarusi ž niama navat pary socień, jość tolki filkina hramata z elektronnaj pošty.
Kamientary