Depardjo pryznaŭsia ŭ kradziažach i homaseksualnaj prastytucyi
Žerar Depardjo, francuzski akcior, jaki pryniaŭ hramadzianstva Rasii, kab nie płacić padatkaŭ, apublikavaŭ knihu svaich ščyrych miemuaraŭ pad nazvaj «Ca c'est fait comme ca». Jaje nazvu možna pierakłaści jak «Voś tak jano».
Ciažkaje, časam ahidnaje žyćcio paŭstaje sa staronak miemuaraŭ.
«Ja žyŭ u vielmi biednaj siamji, nastolki biednaj, što maje baćki nie mahli naniać akušerku, i ja prymaŭ rody ŭ svajoj maci»…
«U 15 hadoŭ ja zrazumieŭ, što pryhožy i pryvabny dla pažyłych mužčyn, jany prapanoŭvali mnie seks, ja braŭ ź ich za heta hrošy, tak ja staŭ chłopčykam pa vykliku, pakul nie ažaniŭsia».
Depardjo pryznajecca taksama, što abkradvaŭ śpiačych francuzskich studentaŭ padčas demanstracyj 1968 hoda, jak siadzieŭ u turmie za kradziež mašyny.
Narešcie, jak jahony syn pamior ad ałkahalizmu.
Depardjo i sam pje. «Pačynaju ź vina, a ŭviečary pierachodžu na viski». A taksama piša piśmy Pucinu: «Viečaram ja časta pišu Pucinu listy. Heta vielmi prosta. Ja nahavorvaju hetyja teksty. U mianie jość pamočnik, jon nabiraje ich pa-francuzsku, potym pierakładaje na rasiejskuju — i jany traplajuć na stoł Pucinu. Ja viedaju, jamu padabajecca, što ja pišu, jon mnie adkazvaje», — piša Depardjo.
Žerar Depardjo atrymaŭ rasijski pašpart u 2013 hodzie, a taksama prapisku ŭ Mardovii i piacipakajovuju kvateru ŭ Hroznym ad Ramzana Kadyrava.
Ciapier čytajuć
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču9
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4848
Kamientary