Viadučaja parušyła svajo praviła i paŭdzielničała ŭ prahramie pucinskaha telekanała. «Mianie prosta trasie. Takaja doza masavaj chłuśni niebiaśpiečnaja dla zdaroŭja. Biednyja, biednyja ludzi, — napisała jana paśla hetaha ŭ svaim Tvitary, — Zarakałasia ž ja nie chadzić na palityčnyja prahramy na fiederalnyja kanały».
Sabčak u efiry kanała NTV zajaviła, što na Danbasie jość kadravyja vajskoŭcy z Rasii, čym vyklikała šał u studyi.
Na videa bačnaja reakcyja na słovy Sabčak — na jaje kryčali, łajali. U studyi akazalisia «žančyny z Danbasa»: «Vy chłusicie, ja z Daniecka, — kryčała adna z takich. — Ja ŭsio heta bačyła na svaje vočy, kali samaloty laciać, ja sa svaim 2-hadovym dziciem nie viedała, kudy padziecca. Pryjšli amierykancy, palaki pryjšli, jany pa-rusku navat nie razmaŭlali», — zajaviła adna z udzielnic prahramy.
Sabčak padčas dyskusii paskardziłasia, što joj nie dajuć skazać ni słova i pryhraziła syści sa studyi, nazvaŭšy prahramu viadučaha Andreja Norkina prapahandysckaj. Ale heta mała paŭpłyvała na režysuru šou.
Jak viadoma, adna z takich falšyvych, naniatych «žančyn z Danbasa» letaś dahavaryłasia da taho, što ŭ Słaviansku ŭkraincy raśpiali chłopčyka na vačach u jaho mamy.
Ciapier čytajuć
U restaranie «Mak.baj» na zahad Łukašenki pierajmienavali amierykana. Jak nazvali?33
Kamientary