Havorka idzie pra kramu na vulicu Mazurava, 1.
Tam zabaranili pradavać 200 adzinak tavaru — cukierki i kandytarskija vyraby, kaŭbasu, čypsy i prypravy, siemiečki, kaśmietyku i inšuju pradukcyju z praterminavanymi terminami prydatnaści. Usiaho z palic kramy prybrali tavaraŭ na sumu bolš za 800 rubloŭ, piša Smartpress.by.
U Ministerstvie antymanapolnaha rehulavańnia i handlu adznačyli, što ŭ pšaničnaj muki, jakuju prapanoŭvali pakupnikam, terminy prydatnaści skončylisia jašče ŭ červieni i vieraśni minułaha hoda.
U viedamstvie padkreślili, što kramu papiaredzili ab pravierkach za miesiac da ich pačatku, ale miery pa naviadzieńni paradku ŭ handlovym abjekcie tak i nie byli pryniatyja.
U vyniku rašeńniem MARH rabota Green prypyniena z 2 krasavika da likvidacyi parušeńniaŭ.
Takaja ž historyja była ŭ Minsku, kali zakryvaŭsia Green 11 u HC «Skała» na vulicy Piatra Hlebki. Na fonie infarmacyi pra hrubyja parušeńni sanitarnych normaŭ (u tym liku byli videa z myšami i tarakanami), u hety hipiermarkiet pryjšła pravierka z udziełam namieśnicy kiraŭnika administracyi Frunzienskaha rajona stalicy Julii Makoŭskaj i kampietentnych słužbaŭ.
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary