U Miensku zakončylisia pieramovy «narmandskaj čaćviorki».
Prezidenty Ukrainy i Francyi, a taksama kanclerka Niamieččyny biez stasunkaŭ z presaj vyjšli z budynka ŭ Miensku, dzie prachodzili 16-hadzinnyja pieramovy.
U stalicy Biełarusi blizu 16 hadzin praciahvalisia pieramovy «narmandskaj čaćviorki», na jakich lidery Ukrainy, Niamieččyny i Francyi abmiarkoŭvali z prezidentam Rasiejskaj Fiederacyi Uładzimiram Pucinym roznyja varyjanty raźviazańnia vajennaha kanfliktu ŭ Danbasie, piša liga.net.
Paśla zakančeńnia pieramoŭnaha marafonu Anhieła Merkiel pieršaj pakinuła budynak, dzie prachodziła sustreča. Za joj vyjšaŭ Fransua Aland, a krychu paźniej Piatro Parašenka, paśla pieramoŭ z Alaksandram Łukašenkam, taksama pakinuŭ pałac biez publičnych zajaŭ dla pradstaŭnikoŭ ŚMI.
Kiraŭnik MZS Niamieččyny Frank-Valter Štajnmajer zajaviŭ, što «Narmandskaja čaćviorka» u dekłaracyi paćvierdziła suvierenitet i cełasnaść Ukrainy.
Alternatyvy mirnamu raźviazańniu kanfliktu niama, havorycca ŭ dekłaracyi, «zaśviedčanaj na słovach» čatyrma prezidentami, u tym liku Uładzimiram Pucinym.
Padpisvać zajavu ŭdzielniki pieramoŭ nie stali, «zapeŭniŭšy jaje na słovach», piša zn.ua.
«Nie, ale my zapeŭnili jaje vykanańnie svaimi słovami», - skazaŭ ministr, adkazvajučy na adpaviednaje pytańnie karespandenta.
Paśla zakančeńnia samitu prezident Ukrainy Piatro Parašenka zajaviŭ, što trochstarońniaja kantaktnaja hrupa damoviłasia ab spynieńni ahniu z 15 lutaha.
«Tolki što mnie adrapartavali, što trochstarońniaja kantaktnaja hrupa padpisała dakument, jaki rychtavaŭsia ŭ vielizarnym napružańni i ŭ ciažkich dyskusijach. Hałoŭnaje, što zdaleli dasiahnuć, heta toje, što a 00:00 15-ha dnia ŭnočy z suboty na niadzielu pavinna być abvieščanaje biezumoŭnaje i ŭsioabdymnaje spynieńnie ahniu», - skazaŭ jon
«Načalniki hienštaboŭ Ukrainy i Rasiei praviaduć u piatnicu pieramovy ab kantroli za vykanańniem režymu spynieńnia ahniu ŭ Danbasie», - zajaviŭ prezident.
Akramia taho, sa słoŭ Parašenki, kantaktnaja hrupa damoviłasia ab vyvadzie ŭsich zamiežnych vojskaŭ z terytoryi Ukrainy, i dasiahnutaja damoŭlenaść ab vyzvaleńni ŭsich zakładnikaŭ na praciahu 19 dzion. Taksama ŭkrainskija pamiežniki pavinny adnavić kantrol na dziaržaŭnaj miažy da kanca 2015 hoda.
Sa słoŭ prezidenta, ni pra jakuju aŭtanomiju abo fiederalizacyju damoŭlenaściej niama. «Ukrainie vystaŭlali nieprymalnyja ŭmovy, Kijeŭ nie pajšoŭ na ultymatumy», - adznačyŭ jon.
«Heta było niaprosta, i faktyčna nam vystaŭlali ŭsiakija nieprymalnyja ŭmovy, adychody, zdačy. My nie pajšli ni na jakija ultymatumy i dakładna vyjavili pazicyju, što spynieńnie ahniu pavinna adbycca biez papiarednich umoŭ», - skazaŭ Parašenka.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy44
Kamientary