Top-100 samych upłyvovych biełarusaŭ. 1. Alaksandr Łukašenka

1 (1). Alaksandr Łukašenka

Kiraŭnik krainy.

U 2015 hodzie Alaksandr Łukašenka źbirajecca praciahnuć svoj mandat na vybarach, hałasy na jakich ličać pryznačanyja samim ža Łukašenkam ludzi.

Sam Łukašenka kaža, što jahonuju ŭładu mohuć padarvać dźvie rečy — ekanomika i stan zdaroŭja. Zamoŭčvajecca tolki hałoŭny čyńnik — Rasija.

Bo ekanomika całkam hruntujecca na vializnych — imavierna, kala $7 miljardaŭ za hod u 2014 hodzie — rasijskich naftahazavych subsidyjach uzamien za vajskova-palityčnuju łajalnaść. Takich umovaŭ bolš u nikoha ŭ śviecie niama! I mienavita na hetym davoli prostym «kantrakcie» hruntujecca «fienomien Łukašenki».

Maskva zaraziła Łukašenku stracham pierad «kalarovymi revalucyjami», što pieradvyznačyła jahonuju ŭnutranuju i ekanamičnuju palityku.

Tym nie mienš, navat u takich umovach Alaksandr Łukašenka paśpiachova trymaje vyznačanyja saboj «čyrvonyja linii», za jakija Maskvie va ŭnutrybiełaruskich pytańniach zachodzić zabaroniena. Tamu były pamočnik Pucina Andrej Iłaryjonaŭ nazyvaje Łukašenku «całkam samastojnym lidaram». Jak prykład, niazhoda z anieksijaj Kryma, zachopam Abchazii i niepadtrymka sproby Rasii padparadkavać Ukrainu.

Kab Biełaruś stała niezaležnaj, joj treba mieć alternatyŭnyja šlachi zabieśpiačeńnia naftaj i hazam. Ich možna atrymać tolki praź Jeŭrasajuz. U toj ža čas rezkaje palapšeńnie adnosin ź ES, Polščaj i Litvoj moža pryvieści da rasijskaj ahresii. Adnak i biez vyrašeńnia hetaj dylemy niezaležnaja Biełaruś nie zmoža isnavać.

Łukašenka — heta pieršy ci apošni prezident niezaležnaj Biełarusi? Voś jahonaje pytańnie «być ci nie być».

Cytata

«Apracujcie spačatku svaje ziemli, a potym idzicie na čužyja». U intervju Ksienii Sabčak, lipień 2014.

Abjektyŭka

Nar. u 1954 u Kopysi (Aršanski rajon) u maci-adzinočki. Hadavaŭsia ŭ vioscy Aleksandryja (Škłoŭski rajon). Skončyŭ Mahiloŭski piedinstytut (1975) i Horackuju sielhasakademiju (1985). Słužyŭ u pamiežnych vojskach KDB SSSR (1975—1977). Sakratar kamiteta kamsamoła Mahiloŭskaha harcharčhandlu (1977—1978), adkazny sakratar Škłoŭskaj rajarhanizacyi «Viedy» (1978—1980), palitruk u vojsku (1980—1982), namieśnik dyrektara kałhasa «Udarnik» na Škłoŭščynie (1982—1983), namieśnik dyrektara kambinata budmateryjałaŭ u Škłovie (1983—1985), sakratar partkama kałhasa imia Lenina Škłoŭskaha rajona (1985—1987), dyrektar saŭhasa «Haradziec» Škłoŭskaha rajona (1987–1990). Deputat Viarchoŭnaha Savieta (1990—1994), kiraŭnik Biełarusi (z 1994).

* * *

• 0
• 0
• 0
• 0
• 0
• 0
• 0
• 0