Niešta znoŭ źniščyła pałovu pčalinych kałonij ZŠA
Heta ŭdaryć nie tolki pa pčalarstvie ŭ Štatach, ale i pa suśvietnych cenach na ježu.
Meryłendski ŭniviersitet i Bee Informed Partnership prezientavali i dakład ab značnym skaračeńni kolkaści vullaŭ za siezon 2014-15 hh., raspaviadaje N+1.
U ZŠA źnikli 42% pčalinych kałonij za apošni hod. Takija straty Štaty niasuć prynamsi piaty hod — u dadatak da zimy skaračeńnie kolkaści vullaŭ pačało adbyvacca letam.
U niekatorych štatach straty vullaŭ pieravysili 60%. Heta naniasie ŭdar nie tolki pa pčalarstvie ZŠA, ale i źnizić uradžajnaść u krainie dy moža niehatyŭna paŭpłyvać na suśvietnyja ceny na ježu. Pčalary, jakija pradstaŭlajuć fiermieram pasłuhi pa apyleńni paloŭ, užo ŭźniali rascenki na 20%.
Pryčyna źniknieńnia pčalinych kałonij nie vyznačanaja dakładna. U asnoŭnym pčoły prosta pakidajuć vulli i źlatajuć u nieviadomym napramku — z 2006 hoda heta stała asnoŭnaj pryčynaj pahibieli vullaŭ u ZŠA.
Mahčymaj pryčynaj nazyvajuć klašča Varroa, što trapiŭ u Paŭnočnuju Amieryku i Jeŭropu ŭ 1990-ch razam ź dzikaj indyjskaj pčałoj. Ale ŭ Jeŭropie tym časam masavaha źniknieńnia vullaŭ nie nazirajecca. Rola ŭ źjavie bolš intensiŭnaha vykarystańnia amierykancami piestycydaŭ taksama stavicca pad sumnieŭ.
Štohod na vymirańnie vullaŭ amierykancy adkazvajuć stvareńniem novych. Poŭnaje źniknieńnie pčoł z ZŠA ličycca małaimaviernym.
Sindromu raptoŭnaha pakidańnia kałonij procistajać afrykanizavanyja pčoły, što niadaŭna raspaŭsiudzilisia ŭ ZŠA z Paŭdniovaj Amieryki. Ale jany bolš ahresiŭnyja i nie apylajuć paślonavyja raśliny (u lik jakich uvachodziać bulba, tamaty, tytuń i inšyja), tamu nie mohuć stać poŭnaj zamienaj zvykłym u Štatach miedanosnym pčołam.
-
NASA zapłaciła startapu $30 miljonaŭ, kab uratavać teleskop Swift. Ciapier aparat, jaki dvaccać hadoŭ naziraŭ za hibiellu zorak, sam zharyć u atmaśfiery
-
Hravitacyjnaja madel NASA demanstruje «bulbapadobnuju» formu Ziamli
-
Małako biez karovy: izrailskija navukoŭcy navučyli raśliny vyrablać małočny białok
Stała viadomaja asoba rabočaha «Biełaruśkalija», jaki zahinuŭ pry abrušeńni hornaj parody1
Kamientary