Volha Stužynskaja sychodzić z Ofisa za demakratyčnuju Biełaruś u Bruseli
Dyrektarka Ofisa za demakratyčnuju Biełaruś (Brusel) Volha Stužynskaja abvieściła pra svoj sychod z hetaj pasady. Jana ŭznačalvała ofis 9 hadoŭ i była jaho zasnavalnicaj.
Stužynskaja kaža, što jaje sychod nie źviazany sa zhortvańniem prahram dapamohi hramadzianskaj supolnaści Biełarusi, jakija ažyćciaŭlalisia ZŠA, Šviecyjaj i Jeŭrasajuzam. Skaračeńnie fondaŭ pačałosia z 2015 hoda i, jak miarkujecca, uzmacnicca ŭ 2016-m. Zrazańni tłumačycca jak uvahaj pieravažna da Ukrainy, tak i zastojem u biełaruskaj palityčnaj situacyi, a taksama biudžetnymi skaračeńniami ŭvohule.
«Ja prosta sychodžu, jak płanavałasia, i pakul nie vyznačyłasia z novyj pracaj, — skazała Volha Stužynskaja «Našaj Nivie». — 9 hadoŭ pracy na adnym miescy — heta zadoŭha. Chaču raźvivacca prafiesijna dalej. Pracavać pa inšych temach i, mahčyma, rehijonach».
«Budu adpačyvać leta», — žartuje jana, ale dadaje, što ŭžo maje šerah prapanovaŭ ad mižnarodnych arhanizacyj i fundacyj.
Ofis za demakratyčnuju Biełaruś była pieršaj strukturaj, aryjentavanaj na łabiravańnie intaresaŭ biełaruskaj niezaležnaści i jeŭrapiejskaha vybaru pry strukturach Jeŭrasajuza. Jon ažyćciaviŭ dziasiatki prajektaŭ i supracoŭničaŭ u Biełarusi pieravažna z hramadzianskaj supolnaściu, a taksama spryjaŭ raźvićciu nacyjanalnaj kultury.
Volha Stužynskaja — dačka znanaha biełaruskaha historyka Niny Stužynskaj, daśledčycy historyi antysavieckaj partyzanki, a ŭ hramadskaj dziejnaści — paplečnicy Mikoły Statkieviča ŭ sacyjał-demakratyi. Volha, siarod inšaha, skončyła Biełaruski licej imia Jakuba Kołasa, BDU i Stenfardski ŭniviersitet.
Arhanizacyja praciahnie svaju dziejnaść pa ŭsich isnujučych prajektach. Kalehi Stužynskaj pa ofisie — Alona Lis (darečy, dačka vydatnaha historyka kultury Arsienia Lisa) i Alena Šuba — zastajucca pracavać. Dyrektara ŭ arhanizacyi pakul nie budzie.
-
Žurnalistka «Sputnika» źviartajecca da Łukašenki: jaje syn pastupiŭ u Vyšejšuju škołu ekanomiki ŭ Maskvie, a doma na jaho zaviali kryminałku
-
Były supracoŭnik «Bietery» zapisaŭ vialikaje videa pra heta anłajn-kazino. Ciapier u jaho prablemy ź milicyjaj
-
U Minsku raźvitalisia z paetam Uładzimiram Karyznam, aŭtaram słoŭ da ciapierašniaha dziaržaŭnaha himna Biełarusi
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary