U deklaracyi, jakuju začytaŭ premjer‑ministar Kosava, były partyzanski kamandzir Chašym Tačy, havorycca, što Kosava budzie demakratyčnaj krainaj, jakaja pavažaje pravy ŭsich etničnych hramadaŭ. «My vielmi doŭha čakali hetaha dnia», — zajaviŭ Tačy. Prezydent Serbii Barys Tadzič zajaviŭ siońnia, što jahonaja kraina «nikoli nie pryznaje niezakonnaj niezaležnaści Kosava».
Parlament Kosava, jaki sabraŭsia ŭ niadzielu na ekstranaje pasiedžańnie, u druhoj pałovie dnia adzinahałosna — 109 čałaviek — prahałasavaŭ za abviaščeńnie niezaležnaści kraju ad Serbii.
«My vielmi doŭha čakali hetaha dnia», — zajaviŭ Tačy pierad tym, jak pačać začytvać tekst deklaracyi pra niezaležnaść kraju, nasielnictva jakoha składaje 2 miljony čałaviek.
Były partyzanski kamandzir Tačy zajaviŭ, što Kosava
Na viečarovaj pres-kanferencyi Chašym Tačy i prezydent Fatmir Sejdziu zajavili, što buduć imknucca da pryjaznych adnosinaŭ z usimi susiedziami, u tym liku sierbami. Tačy i Sejdziu zajavili, što meta novaj dziaržavy – eŭraintehracyja, u tym liku i ŭvachodžańnie ŭ NATO.
Siońnia taksama była zaćvierdžana novaja symbolika niezaležnaj krainy – da hetaha vykarystoŭvaŭsia albanski čyrvony ściah z arłom.
Ad siońnia ściaham Kosava źjaŭlajecca sini štandar z abrysam dziaržavy žoŭtaha koleru pasiaredzinie. Nad abrysam – šeść zorak biełaha koleru, jakija symbalizujuć kolkaść etničnych hrup, što nasialajuć Kosava – albancy, sierby, cyhany, baśnijcy, turki i aškali.
* * *
Uviečary ŭ stalicy novaj krainy pavinny pačacca śviatočny kancert.
Na vulicach stalicy – Pryšciny – praciahvajucca narodnyja hulańni.
* * *
 |
 Dziaržaŭnyja symbali Kosava, pryniatyja siońnia parlamentam |
Jak čakajecca, ZŠA i niekatoryja krainy Eŭraźviazu, u tym liku Brytanija, Francyja, Niamieččyna j Italija ŭžo ŭ paniadziełak pryznajuć niezaležnaść Kosava. Asabliva paśladoŭna padtrymlivali niezaležnickija pamknieńni Kosava amerykancy — manifestanty ŭ Pryšcinie razam z nacyjanalnymi štandarami ŭ dzień abviaščeńnia niezaležnaści masava razmachvali zorkava-pałasatymi.
Adnak prynamsi šeść členaŭ EZ — Kipr, Hrecyja, Słavaččyna, Hišpanija, Baŭharyja j Rumynija — dali zrazumieć, što nia buduć adrazu pryznavać novuju dziaržavu. Hetyja krainy bajacca, što fakt niezaležnaści Kosava aktyvizuje separatysckija ruchi ŭ hetych dziaržavach.
Suprać niezaležnaści Kosava kateharyčna piarečyć Serbija, jakaja pa‑raniejšamu ličyć kraj svajoj pravincyjaj. Białhrad pahražaje prymianić suprać kraju ekanamičnyja j palityčnyja sankcyi, adnak vyklučaje vykarystańnie vajskovaj siły. U toj ža čas pravasłaŭny japiskap Kosava Arciemi zaklikaŭ serbaŭ pryvieźci na dapamohu rasiejskich dobraachvotnikaŭ i sa zbrojaj u rukach baranić «kałysku serbskaje ajčyny».
Pra svajo žadańnie pryznać nieziełažnaść abvieściła Litva, jakaja sama niadaŭna znachodziłasia ŭ stanie «samaabvieščanaj niezaležnaści». U toj ža čas upłyvovaja polskaja «Hazeta Vyborča» vusnami svajho kamentatara piša, što hetymi dniami «Serbija patrabuje maralnaje padtrymki». Prezydent Serbii Barys Tadzič zajaviŭ siońnia, što jahonaja kraina «nikoli nie pryznaje niezakonnaj niezaležnaści Kosava».
Tadzič skazaŭ, što Białhrad maje prava ŭžyć ekanamičnyja i palityčnyja sankcyi, adnak vyklučaje vajennaje ŭmiašalnictva. «Chopić, Sierbija ŭžo navajavałasia», — nieadnarazova zajaŭlaŭ Tadzič padčas svajoj prezydenckaj kampanii.
Kosava pačało baraćbu za niezaležnaść u 1970-ja hady, kali kraj navat nia mieŭ dziaržaŭnaha statusu ŭ byłoj Juhasłavii. Ahmianiom nacyjanalna-vyzvolnaje baraćby byŭ universytet Pryšciny, a maralnym lideram ruchu — filozaf Ibrahim Ruhova, jaki pamior niadaŭna, tak i nie pabačyŭšy svaju krainu całkam niezaležnaj, ale zaśpieŭ farmavańnie samastojnych dziaržaŭnych strukturaŭ pad apiekaj Eŭropy i ZŠA.
* * *
Płošča Kosava składaje 10 tys. kv. kilametraŭ (čverć Mienskaj vobłaści), a nasielnictva krychu bolš za 2 młn čałaviek. Bolš za 90 % novaj krainy składajuć albancy. 120 tys. sierbaŭ pražyvajuć u rajonach na poŭnačy Kosava, a taksama anklavach. Na terytoryju novaj krainy dziejničaje taksama śviet pravasłaŭnych serbskich manastyroŭ: Mitravica, Hračanica, Dekani, Pryzren, Pieč i inšyja.
Kamientary